Yacedkel 33:11 - NABUWWA KEE MALIKWA

¹¹ ‹Waara YALLAY Mulki lehiyya kinniyooh, inni migaaqal xiibita'mmay, uma taama le num isi uma taamah rabam kaak mafaxa. Woo uma taama cabba heeh mano kaak faxa. Israayil-xayloy, uma taama cabaay, manok raba madooritina› keenik inxic» iyye.

Yacedkel 33:11 ပူးပေါင်းရင်းမြစ်များ

2 Samuwel 14:14

Nanu, caxitte lee innal, wadir manaduuraay inkih rabah nan. Takkay immay Yalli marin baaxo megloh gexe num elle yaduure gurra kaah bicsa'kkal, kaa maqida.

Yasaqya 21:12

Too waqdi anu kaal gacsemii, «Maaci maacisele'mmay, bari siinit qagtele. Ahak sa essertam tellek, uduuray esser!» kaak exce.

Yasaqya 49:18

Dariifa isinnik wagga haay takkem ubulay! Xaylo siinik elle sugte baaxok taduurem matablaana? Inni migaaqay waarahiyyal xiibitaah, sin xaylo bilqa siinih akkeleeh, qaxah bilqitte qibnah innah gacetton.

Ermiyaas 22:24

YALLI, malik Yahoyaakím-Yahoyaasinik iyyeemih, «Anu waara Dagelta kinniyom teexegek, migdi gabah ferrantoh yok sugta way feerak siibba koo heeh,

Ermiyaas 3:12

«Tohuk kalah yok iyyemii, ‹Gexay Israayil-mari yaabbeeni'gidih, kilbat fanah deero ab. Intaamah: YALLI iyyaamah, Imaan maleelah tan Israayil xayloy! Amay yol uduura. Racmatta le Dagelta kinniyooh, sin assacakke way siinil aduureyyok, yol uduura. Tah intam yoo YALLA.

Ermiyaas 3:22

YALLI, «Imaan maleelah yan maraw, anu sin urseyyooh, imaan siinit heeyyok, yol uduura» siinik iyya. Ermiyaas iyyemii, «Ummat axcih oobbem liyo. ‹YALLAW, ni Dagelta koo. Nanu koo fan naduureh.

Ermiyaas 44:7

«Qagissah keenik intaamah, ‹Tonna'mmay a saaku kaadu yoo YALLAAY, Nabaamak Naba Dageltay Israayil doore kinnuk, siinik axceemih: Isin bala isinnil oobissaanam akah faxxaanam macaay? Labhaay agabuuy urru kee qunxa-urruy away yoobokehiyyak tu akah raaqe wayta'nnah, ummat finqah gexxam akah faxxaanam macaay?

Ermiyaas 44:8

Ama Masri rasuy elle taniinihiyyal, gabak bicissen duyye akah taqbudeeniih, sadgat too duyyeh migaaqal akah abtaanam macaay?› keenik inxicey. ‹Ta duyyeh abtan sadgatat, isinni nabsi akah bayissaanaah, ilaaqaanaah ces akak iyyan mara akah takkeenim macaay?› keenik inxicey.

Ermiyaas 46:18

«Malik akak 'yaanam, yoo YALLAY Nabaamak Nabahiyya. Waara Yalli yoo immay siinik axcemii: Taabor qale qaleelak xeeruk elle raqtaah, Karmel qale kaadu badak fayya luk elle raqta'nnah, siinit carbi aba numih qande kulsah too bis luk siinik raaqele.

Yacedkel 14:6

«Tonna-leemik Israayil marak, ‹YALLAY Mulki lehiyya siinik iyyaamah: Ama qaybik tan xeet kee cooxuk bicsen duyyeh qibaada cabba haay yol uduura› keenik inxic.

Yacedkel 16:48

«Waara YALLAY Mulki lehiyya kinniyooh; inni migaaqal xiibita'mmay, ku maqanxá Sodom kee tet dariifal tan gaandoodi, koo kee kok dariifal tan gaandoodi abtem maabinnon.

Yacedkel 18:23

Uma num rabaamah, anu maa rufto geyam siinit celta? Yoo ruffu haytam, dambik toobitaah waara num ableemi. Tah intam yoo YALLAY Mulki lehiyya» iyye.

Yacedkel 5:11

«Waara YALLAY Mulki lehiyya kinniyooh, tonna-kinnuk axceemih: gabat bicsen duyye kee caraamak tan taamat, Qibaadâ-Qari yok nadaasa abteeniih; tonna-leemiik anu kaadu darre siinit cabeyyooh; siinih maracmatay siinih maxuwaawa.

Daaniyel 9:13

Muusa baahe xintol warissa hayte digaalah nee digaalte. Takkay immay YALLAW, ni Dageltaw, nanu uxih nummâ gita katayakaay, edde sugne dambik uduurra 'neh, koo ruffa mahannino.

Hosiqa 11:8

Kaadu qagseh iyyeemih, «Israayil maraw, siinit darre cabam yoh mabicta. Siinit takkeemik tibba axcem yoh matakka. Adma deqsita aracak akah abe'nnah, sin maay baysoo? Xiboyimil baahem siinil maay baahoo? Toh baaham maduuday, kaxxam sin kiciyyo.

Hosiqa 14:1

Hosiqa iyyeemih, «Israayil ummatey, YALLAY sin Dagelta kinnihiyya fanah uduura. Edde tanin dambi baati siinih xale.

Ayyuqel 2:12

YALLI iyyaamah, «Away kinni way baguuk toobitaay sooma. Abteenimih weeqay yol uduura.

Xafanya 2:9

Waara YALLAY Nabaamak Nabah, Israayil doore Dageltah yanihiyya kinniyooh; inni migaaqal xiibita'mmay, Qammon kee Mooyab deqsita marat duma Sodom kee Gomorra deqsitta namma magaala kee, too namma magaalal suggu 'ye marat tikka 'te baatih innah tan baati keenit abeyyo. Away elle yanin baaxo qasbo elle taabuke booxah raaqeleeh, waaqex elle yaabuke gubbi akkele. Abuuruy way tu elle suge wayta akkele. Yi ummatak carbik saaboh raqtem ken buubeleeh, sarra ken baaxo isinnih haysitelon» 'yaanam iyyah yan.