Yacedkel 32:30 - NABUWWA KEE MALIKWA

³⁰ «Saydâ mara kee kilbat le kabut raqta abbobti inkih kaadu wokkel tan. Duma sahdat cunxo qidak yenen. A saakuh tu gactek, diini-maleelah rabeenih; carbit rabe mara lih akeera isinni qaybi xagarat luk gexen. Akeeral yan marat tikka 'ye qaybi keenit yekke.

Yacedkel 32:30 ပူးပေါင်းရင်းမြစ်များ

Ermiyaas 1:15

Macaay intek, kiblat le kabut raqta doolatwah seeco abeh aniih; too doolatwah amoytit a baaxo amaatele. Yarusalaam magaalak culmeynal dardaarelon. Yarusalaam magaalat maroh tan gasoosah dariifa kee Yuudâ-magaaloolit inkih qeebi abelon› 'yaanam yok iyye.

Ermiyaas 25:22

Suur kee Sayda deqsitta namma magaalah malikwaay, Maditraaniyah badih dariifal ten malikwaay,

Ermiyaas 25:26

kilbat le kabut raqta baaxok xer ikke kee xayi'kkel ten malikwak num macabinniyoy tiya tiyah ken efqe. A addunyah bagul enna 'ta doolatwa inkih ta kamrik efqe. Kulli marak ellecabot Baabelon malik efqe.

Yacedkel 26:20

Rabe mara fan obba 'teh dumî dabaanal suge mara luk akah gacta innah kok abeyyo. Dumaak baate duyyey abuuruh raqqa 'teh woo boodo fanah obtehiyya lih oobetto. Tohuk wadir mataduuraay addunyal manoh maraqta.

Yacedkel 28:10

Diini maleelah yan allî baaxoh marih gabat, kuti rabah rabetto. Taham akkele intam yoo YALLAY Mulki lehiyya› 'yaanam kaak inxic» yok iyye.

Yacedkel 28:21

«Bani-adantow Saydat takku waytaamat yab.

Yacedkel 28:23

Dalka siinil ruubeyyo. Qabal gitittel darah innah siinik akah caxita'nnah abeyyo. Kulli kabuk qeebi siinit abeloonuuh, ummatta siinik ambaxele. YALLA kinniyom tonnal yok aaxigetton› keenik inxic» iyye.

Yacedkel 38:15

atu kilbat le kabuk dabaaqah elle tani'kkek texxeereh gexetto. Mango macaxuy celeemah yanihiyyay mango baaxok yemeetehiyya yakkeemiik faras amot amaateloonuuh ko'lih gexelon. Too waqdi ta mara wararetton.

Yacedkel 38:6

Qeebi abta labhak Goomar kee kilbat le kabuk xer rikel yan Beet-Togarma mari inkih ko'lih yan. Wohuk kalah mango baaxoh mari ko'lih yan.

Yacedkel 39:2

Elle gexak sugte kaalib kok makka heeh, elle tan kilbat le kabuk xer rikek koo miraacisak, Israayil qaleelal tan Israayil ummat gaadda'gidih koo baaheyyo.