Yacedkel 32:24 - NABUWWA KEE MALIKWA

²⁴ «Qeelam kaadu wokkel taniih, carbit teetik rabte qaskarih kabaara maroh teetit tan. Addunyal sugen saaku sahda akak cunxitta marak yeneeni'mmay, a saaku too diini maleelah yen mari akeera gexe. Akeera gexe uma marat tikka 'ye qaybi keenit yekke.

Yacedkel 32:24 ပူးပေါင်းရင်းမြစ်များ

1 Aydaad 1:17

Sem xaylo, Qeelamaay Assuur kee Arfaksadaay, Lud kee Aramaay Quuxuuy, Cuuluuy Geter kee Mesek deqsitak ten.

Yasaqya 11:11

Too ayro YALLI qagisak isi-qandet isi-maray baatik-saaboh-raaqehiyya le baaxol gacsele. Assuuriya kee Masriiy; Fatros deqsita aracay Masrik gabbi-qaxat raaqahiyya kee Kuusuuy; Qeelam kee Baabelon baaxooy; Camat kee baddi dariifal tan baaxooxak ken baahele.

Yasaqya 38:11

‹Ahaysa cayaatal anuk YALLA abaluk maraaqa› exce. ‹Cayaatal yan mara mabla. Ken mageyaay magaraya› 'yaanam inni afqadol exce.

Ermiyaas 11:19

Yi naqboytit, ricidih beyan marqay is beyan ikke gexahiyyah innah, yoo qidaana'gidih yoo beyaanam faxaanam YALLI yoh warse. Anu toh aaxaguk masuginniyo. ‹Caxa saade'kal akah yargiqen innah, wadiriik kaa kase waana'gidih, a num a waqdiik qidnay› axcuk, yi qidimil malisak sugen. Anu ta umaanet yoh yaniinim keenik aaxaguk masuginniyo.

Ermiyaas 25:25

Too marak kalah kaadu, Dimri kee Qeelam kee Meediya akak iyyan baaxooxal yen sidooca malik kee,

Yacedkel 16:52

Tonna-leemiik isih abte qaybih isih lakmisetto. Ku dambi kaxxa dambi kinnuk, ku maqanxix abem kee ku qaybi tittal wagga haan waqdi, ku dambih garil ken dambi foyya. Ku maqanxix ku garil tu'qellat sinni marak loowimem abaluk, abte umaanet wacarriyaay; isih abte qaybih lakmis» iyye.

Yacedkel 16:54

Abteemit wacarriyetto; Sodom kee Samaariya maray ku innah dambih ane waak sugehiyyal rooci aduurele.

Yacedkel 26:20

Rabe mara fan obba 'teh dumî dabaanal suge mara luk akah gacta innah kok abeyyo. Dumaak baate duyyey abuuruh raqqa 'teh woo boodo fanah obtehiyya lih oobetto. Tohuk wadir mataduuraay addunyal manoh maraqta.

Yacedkel 31:14

Tahak wadir faxe caxa leek faxeh gide geytaamah, dadal kee xexxaarah too caxah innah magacta. Xexxaarah qamburre gufta caxa tahaysa mataabuka. Toh akah axcem, rabeeniih dite le kabri oobe marat yengeleeniih woo boodo fanah oobelon» iyye.

Yacedkel 31:18

«Masri malikow, Qadan cooxih addak xexxar kee hayba le caxa koo maay aleltaa? Meelelta'mmay, ahak wadir atu Qadanal suge cooxuk kaxxih Gahannab oobetto. Tokkel diini maleela kee carbit rabe marat angaletto. Masri malik kee kay marat akkelem tamah teeti. Tahat yabtam yoo YALLAY Mulki lehiyya» iyye.

Yacedkel 32:18

«Bani-adantow, a axxul le Masri marah boogis. Keenik kalah yan mara lih ken hayya haay, akeera fan ken rub. Dite le kabri oobe marat yengeleeniih, woo boodo fanah oobelon.

Yacedkel 32:19

Keenik intaamah, ‹Isin sahdak qaxah tayseenim maay takkalen? Ahaysa akeera fan gexettoonuuh, tokkel diini-maleela lih gacetton.

Yacedkel 32:21

Masri mari akeera gexu waa saaku, ken kee ken qaxat gacca 'ye mara akeeral geyoonu waan waqdi, tokkel tan agiiray duma qeebi abak tenehiyya keenik, ‹Diini-maleelay qeebit rabtehiyya a saaku temeeteh taniih; akeeral ginaada keenik qangalaylut tan› keenik axcelon.

Yacedkel 32:25

Tokkel ginaada keenik qangalaylut taniih, Qeelam carbit rabe mara lih tan. Tet qaskaray carbit rabtehiyyah kabaara tet dariifal tan. Raben saaku diini-maleelah sugeenih diini maleh raben. A saakuh tu gactek, edde sugen qaybit edde akeera gexeeniih, carbit qiden marat yengelen.

Yacedkel 32:30

«Saydâ mara kee kilbat le kabut raqta abbobti inkih kaadu wokkel tan. Duma sahdat cunxo qidak yenen. A saakuh tu gactek, diini-maleelah rabeenih; carbit rabe mara lih akeera isinni qaybi xagarat luk gexen. Akeeral yan marat tikka 'ye qaybi keenit yekke.

Yacedkel 34:29

Qidinnaan daro elle taabuke baaxo keenih aceeyyooh; ahaysa maqululan. Irô baaxoh mari anqaasah af keenil maraqeeqisa.

Yacedkel 36:15

Tahak wadir a baaxo ummat makot mabeytaay; sahda anqaasah elle rabtaah, ummat burah af elle raqeeqissa baaxo matakka. Tahat yabtam yoo YALLAY Mulki lehiyya» iyye.

Yacedkel 39:26

Anu taahirik yan Dagelta kinniyom sahda aybulle'gidih, inni mara naqboytit lih elle yanin aracak ayyaaqeyyo. Ahak sarra isinni baaxoy num ken elle meysiise waahiyya uduurra 'yeenih amaanah xiinoonu waan saaku, duma yok yexxeereenim kassa haan waqdi wacarriyelon.

Yacedkel 44:13

Tahak wadir seekâ migaaqal yi taamat maraaqan. Yi qibaada elle aboonuh, rikeek baxsah taniimik garih amaate waanama. Hinnay kaadu woo Kulliimik-Taahiriinoh-Yayse-Golil xayyoowe waanama. Oson aben umaaneh keenih taguudem, tama digaala.

Daaniyel 8:2

Soonoh ubleemih: Anu innih Qeelam baddak Suusa deqsitta magaalay gaso maroh edde tanihiyyah addal, Uulay deqsita weeqaytih garil soolak suge.

Cabakkuk 2:16

Migaq elle luk sugten baaxol qaybi sin abbixele. Isin kaadu kamrit iskirra 'teenih qawrat siinik ambulleele. YALLAK migdi gabat tan digaalah kobbaayak aaqubetton. Too waqdi, a saaku liton migaq-gexxoh aftok qaybi sin abbixele.