Yacedkel 31:14 - NABUWWA KEE MALIKWA

¹⁴ Tahak wadir faxe caxa leek faxeh gide geytaamah, dadal kee xexxaarah too caxah innah magacta. Xexxaarah qamburre gufta caxa tahaysa mataabuka. Toh akah axcem, rabeeniih dite le kabri oobe marat yengeleeniih woo boodo fanah oobelon» iyye.

Yacedkel 31:14 ပူးပေါင်းရင်းမြစ်များ

Nacmiya 13:18

Yalli duma isi magaala akah bayseeh, nee kaxxam akah digaalem, hununuh sin abbobti isin taway abtan taamah innah tanim abeenimih sabbata. Uxih kaadu isin sabti ayro taahirik ane sinni taamah taamittaanaah, Yallih naqabu nel oobissaanam faxxaanam maay tablen?» keenik exce.

Yasaqya 14:15

toh makkinnay akeerak iqiyal rabe mara lih gacte.

Yacedkel 26:20

Rabe mara fan obba 'teh dumî dabaanal suge mara luk akah gacta innah kok abeyyo. Dumaak baate duyyey abuuruh raqqa 'teh woo boodo fanah obtehiyya lih oobetto. Tohuk wadir mataduuraay addunyal manoh maraqta.

Yacedkel 31:18

«Masri malikow, Qadan cooxih addak xexxar kee hayba le caxa koo maay aleltaa? Meelelta'mmay, ahak wadir atu Qadanal suge cooxuk kaxxih Gahannab oobetto. Tokkel diini maleela kee carbit rabe marat angaletto. Masri malik kee kay marat akkelem tamah teeti. Tahat yabtam yoo YALLAY Mulki lehiyya» iyye.

Daaniyel 4:32

sahdak koo baxissa heenih dabqih alluwwa lih gacetto. Malcina sanatih gide laahi innah qayso akamuk sugetto. Sarrak Yallay inkih daga raaqahiyya a addunyah abbootan yamlikeeh, isih faxe marah yacayu duudam aaxigetto» kaak iyye.

Qaamus 9:2

Baaxo dagga heenih ardik guba gacaanamah, tokkek handifeh ken ayyaaqeyyo ikkal ken macaba. Qaran yawqeenimih ken gacseyyo.

Yoonas 2:2

iyyeemih, «YALLAW, gadaamite saaku koh seeceeh; wohul woo seecol yol gacisseh. Kabri addak catoh koh seece waqdi, yoo toobbeh yoo catte.

Yoonas 2:6

Qalek ragid fan oobeh, sutta exce. Akeeray afa kulli waqdi alifit le oobe raareh, sutta exce. Rabi yot xayyoowem uble waqdi, YALLAW, kooy yi Dagelta kinni kallace. Wokkek addak nuwwuk yoo teyyeeqe. Isi qibaadah qariy taahirik yanik dooqa yok toobbeh.