Yacedkel 30:9 - NABUWWA KEE MALIKWA

⁹ Too ayroy Masri finqa yakku waahiyyal, amaanah xiinak suge Kuus marat cube waak sugen cunxo qidu waa farmoytit markabat ruubeyyo. Too ayro xayyowteh taniih; xayuk amaateleeh; cunxo keenit heele.

Yacedkel 30:9 ပူးပေါင်းရင်းမြစ်များ

Yasaqya 19:17

Masri mari YALLAY Nabaamak Nabahiyya keenik abu waam kassa haan waqdi, Yuudâ-marak meysitelon. Yuudâ-marak xagarxagol kinni way meysitelon.

Yasaqya 20:3

Asdood yibbixen saaku, YALLI iyyemii, «Yasaqyay yi naqasuh yanihiyya sidiica sanatah xagaral saro maliiy ibat kabella maliiy ibah gexe. Taham Masri kee Kuusut takku waytaamih asta.

Yasaqya 20:5

Kuus kee Masril kibaal luk suge mari hagga axceleeh, niya keenik addigillele.

Yasaqya 23:5

Suur magaala baatem yaabboonu waan waqdi, Masri mari kaxxam waagiseleeh wariggitele.

Yasaqya 47:8

«Hay, tut-baaqid-maleelay tut-carra-maleelay, siinih warisu waak, yok ankacisa. Isin, buxal farcatat yaniih ‹Tu nee maxagta› iyya maraw, ‹Nanu nanih; nek sa tu matan› bagul intaanaah ‹Baqolti nek marabta; xaylo nek qunxih macabaaritta› intan.

Ermiyaas 49:21

Edom mari bayu waa saaku radda xongoloh, Yallih baaxo inkih angayyele. Oson aban weeqih anay Qasa Badal antaabbele.

Ermiyaas 49:31

Yoo YALLI kaadu Nabkadnessarak iyyaamah, ‹Caxor-maray isi baaxo kaxxa amaanah xiinahiyyat qeebi aba. Ken mandarwa akak culan afay alfintahiyya maliiy; sinam lih kaadu hebeltô-qalla mahaysitinnoonuk, qeebi keenit aba.

Yacedkel 24:14

Tahat yoo YALLAY Mulki lehiyya yaabeh an. Ahaysa gaba edde qidu waa wakti xayyooweh yan. Abta umaane abalih tibba kok maxca. Koh maxuwaawa. Abteemih diggalsimetto. Tahat yabtam yoo YALLAY Mulki lehiyya› » iyye.

Yacedkel 26:16

Baddi xaqul tan baaxooxah amoytitte dardaarinni koraasih baguk obba 'yeenih, xer-kameswa kee dilwa le sarak katta 'yeenih, baaxok bagul gacelon. Siinit tekkem abaluk kaxxa cunxoh cunxitelon. Xagar keenik axaxoh mayaada.

Yacedkel 27:35

Badak afal guubuh yan mari wariggiteh. Koo tibbixe bala yoobbeenih wariggiten. Ken malikwah agantah cunxo keenit hee. Meysik gexxaamah fooci keenik dattoowe.

Yacedkel 33:33

Atu keenik inxicca 'tem, raq lem hinna, akkeleemiiy; too saaku nabi ken addat sugem aaxigelon» iyye.

Yacedkel 38:11

Cato sinni baaxoh maray carbi able weeh, amaanah xiinaah, gaso sinni magaaloolil yanihiyya qeebit tabbixeemil malsetto.

Yacedkel 39:6

«Magoog rasu kee baddi afal amaanah xinta ummat elle tan rasut gira ruubeyyo. Too saaku anu YALLA kinniyom kulli num yok aaxigele.

Qaamus 4:2

Tohuk gexxaamah, YALLAY Mulki leeh *taahirik yanihiyya siinik iyyamaa: ‹Sanat santiita siinik hayya heenih, gillaabat badak addak yayyaaqen kulluumih innah, sin giitak beyoonu waan ayroora amaatelem ixiga.

Cabakkuk 2:3

Away koh warisu waam edde takku wayta ayro uxih taniimih sabbatah, uktubay sug. Takkay immay maxeeriiy, too ayro xayuk amaatele. Anu koo ayballayu waam nummah akkele. Raagelem akkaletto'mmay takkem fanah qambaalay sug. Udurra mabtaay, akkele» iyye.

Xafanya 2:12

Kuus maraw, isin kaadu seefit bayetton.

Xafanya 2:15

Tet addal yan mari kaxxam isit yakkaleeh, tu ken xage waytam yakkaleeni'mmay, takku waytam tamaha. Ken magaalah bis le magaala addunyâ-bagul matanam keenit celta. Tohu immay ken magaala abuuruy alluwwa dabqah lehiyya akkele. Xaqu akak gaceh gexa mari tah yable waqdi, abah yan wariggak gexxaamah hagga axcelon» iyye.

Makaabon 18:7

Toh keenik inxicca 'ye waqdi, woo koona num Laysâ-magaala fanah safarte. Too magaala gufen waqdi, magaala yubleeniih; magaalal yan mari hammi sinnim amaanah elle xiinan inna keenik yismiteenih. Saydâ-marak kaxxih, a magaalal yan mari amaanah yeneeniih; ken xagtam mananna. Oson kaadu xagtan mara luk manannon. Mano keenil muquk teneeh; faxxa haanam inkih luk yenen. Laysâ-magaala, Saydâ marih magaalak xeeruk raaqak teneeh; hebeltô-mara luk heen bica kee qalla luk manannon.