Yacedkel 30:3 - NABUWWA KEE MALIKWA

³ Intaamah, ‹Umaane edde takke ayro xayih. YALLIH abto edde tamballayu wayta ayro xayih; baadal tan ummatta gadaama edde tabbaxu waytaah, qamburre baaxo edde buultu wayta ayro xayih.

Yacedkel 30:3 ပူးပေါင်းရင်းမြစ်များ

Yasaqya 13:6

YALLIH ayro amaatelek, boogisa! Qande le Dagelti baati edde baahu waa ayro xayih.

Yasaqya 13:9

YALLIH ayro amaatele. Toh, Yallih-naqabuy kaxxam gibdi edde yakku waa ayroy racmatta sinnihiyya. Dambi elli haa mari inkih bayeleeh, baad abuuruh raaqele.

Yasaqya 19:1

Masri giddinaamak ruuben farmo ah teeti. YALLI qamburreh addat sissikuk Masri fan yamaate. Masri addal yalla 'yeenih aqbuduk sugen coox kee xeetik bicsen duyyeeya kay foocal axaxitele. Masri marak niya addigillele.

Ermiyaas 25:31

Usuk aba xongolok radah yan qalê-berri baaxô-maggaraqal antaabbele. YALLI ummattak inkih malkitele; keenik waamah isih keenil ackumele. Uma-maral rabi cokmi abele. Tahat yabtam YALLA› 'yaanam keenik inxic.

Yacedkel 13:5

Tiddigille gidaarwa siinih madacrisaanaay; woo gidaarwa nammeyhaak maxisan. Yallih-carbi siinit yakku waa saaku, kalalu siinih mayakkan.

Yacedkel 29:12

Masri baaxo kulli baaxok lafitta 'ya bacari abeyyo. Masri magaalooli morootom sanatah abur abeyyo. Kulli magaalak abuuruh laffa tet heeyyo. Masri mara marin baaxo aysaarreyyooh, tokkel dabboh gacelon. Marin marih addal gacelon» iyye.

Yacedkel 30:18

Masri mari kaxxam edde akkaluk suge qande keenik bayisu waah, Masri mara maqar cabsiisu waa saaku, Tacfancis deqsitta magaalal dite radeleeh; qamburret buulumele. Tet mandarittel enna 'ya mara inkih seewah beelon.

Yacedkel 32:7

Koo bayisu waa saaku, qaran kee cutuukal dite qideyyo. Ayro qamburrek darret gacele. Alsa ifu cabele.

Yacedkel 34:12

Illit duwah yan num baye illi gorrissa heeh elle gaaboysaah elle dacrisa gurral, anu inni illik kaadu toh abeyyo. Kaxxa dite le baatih ayro edde sugen baatik ken gacseyyo.

Yacedkel 7:10

«Israayil mari edde bayu waa wakti yemeeteh. Umam tittal baahaanam temeggeh. Sahda kaxxiinah qubbuy inta.

Yacedkel 7:12

Wakti amah kaana; xayyooweh. Yi digaala kulli numul tamaatu waytaamih sabbatah, xaama num edde yafriceeh, yaylamme num edde qaada uddur akke waytam taaxigeenimi.

Yacedkel 7:19

Luk sugen dahab kee lakqo guddaafah innah qidelon. Anu bagcarrita saaku, ken lakqo kee dahab yi bagcarrak ken macatta. Dahab kee lakqo faxaanam keenih maduudussa; qululuk ken macatta. Dumaak dambit ken asissem, tama dahab kee lakqo.

Yacedkel 7:7

A baaxol yan maraw, sinim tekkeh! Ahaysa qaleh amol yan makaamah abak tenen sadgat kee qiid siinik raaqeleeh; abtaanah absissaanam waagissa heetton.

Ayyuqel 1:15

YALLIH cokmih-ayro xayiih; woyyow, woo ayrot takku wayta baati! Nabna le Dagelti too saaku bala ruubele.

Qobadya 1:15

«Yoo YALLI kulli numul abeemih mekelu waa ayro xayih. Edomuh yooboke maraw, isin sinaamak abba hayteenim siinit akkele. Sin abini siinil aduurele.

Xafanya 1:14

YALLIH cokmih ayroy kaxxa ayro kinnihiyyah mamaata nabam xayiih, too ayroh mamaata sissikih. Too ayro uma weeqa abeloonuh, cunxitelon. Kaxxa agiirinna luk sugte labhak kinni way qeebil af awqeleeh, waagiselon.

Xafanya 1:7

Mulki le YALLIH cokmih ayro xayih immay kay foocal tibba 'xica. YALLI too ayroh masgaada bicseeh, Yuudâ mara buubu waa marah seeco abeh.