Yacedkel 30:18 - NABUWWA KEE MALIKWA

¹⁸ Masri mari kaxxam edde akkaluk suge qande keenik bayisu waah, Masri mara maqar cabsiisu waa saaku, Tacfancis deqsitta magaalal dite radeleeh; qamburret buulumele. Tet mandarittel enna 'ya mara inkih seewah beelon.

Yacedkel 30:18 ပူးပေါင်းရင်းမြစ်များ

Yasaqya 10:27

Too ayro Assuuriyah marih gabak sin ayyaaqeyyooh, sunkul siinik abbaxuk sugen quuki siinil maraaqa. Kaxxam filli-cayla litoonumih sabbatah, fillal siinik haak sugen *madmad aggilele.

Yasaqya 13:10

Cutuuka kee cutuukah-egla ifak maraqta. Ayro tawqe waqdi dattoowele. Alsa kaadu ifu cabele.

Yasaqya 14:11

‹Luk sugte nabna gaba kalteh; ku massakaxxah kirar aagaruk sugeeni'mmay, a saaku ah kooy akeera gexe mara lih tan. Bagul akak tanim xaariyaay; xagaral kok luultem, baaxô-xaariya› kaak axcelon.

Yasaqya 14:25

Assuuriyah maray yi baaxol yanihiyya bayseyyo; inni qaleh amol keenit aaqiteyyo. Inni mara Assuuriyah marih xukkok ayyaaqeyyo; fillal keenik suge quuka keenik kaleyyo.

Yasaqya 19:1

Masri giddinaamak ruuben farmo ah teeti. YALLI qamburreh addat sissikuk Masri fan yamaate. Masri addal yalla 'yeenih aqbuduk sugen coox kee xeetik bicsen duyyeeya kay foocal axaxitele. Masri marak niya addigillele.

Yasaqya 5:30

Too qaskar Israayil marat, bad haffo baaha way dub elle iyya innal, keenit kaayoonu waan wakti amaatele. A baaxo wagga hayteenik, ditet yan maray abam waagisaah yankikkiqehiyya abletton. Qamburre ifu qellisele.

Yasaqya 9:19

YALLAY Nabaamak Nabahiyya bagcarriteemih sabbatah, kay digaala girah innah baaxo inkih carariseeh, ummatta inkih bayseeh; num numul saduh gace.

Yasaqya 9:4

Woh akah kinnim, luk sugen quuka keenik kalettooh, sunku keenik edde aagaruk sugen caxxa aggilele. Keenit xukkutak sugeeh ken adlumuk suge mara duma Miidiyan mara elle bayisse innal baysele.

Ermiyaas 2:16

Moof kee Tacfanhis deqsitta magaaloolil yan mari moyyak gude siinik molla heeniih sinam qangaasal sin aben.

Ermiyaas 28:10

Tohuk lakal Cananiya, Ermiyaas fillal abbaxuk suge *madmad kaak kalla heeh bututtukku hee.

Ermiyaas 28:13

«Cananiya fan gexay kaak intaamah, ‹YALLI kok iyyaamah, «Cooxuk bicsen *madmad tiggileh immay wokke birtak bicsen madmad ciggiiliseyyo kok iyya› kaak inxic. Qagissa haay kaak intamaa,

Ermiyaas 30:8

YALLAY Nabaamak Nabahiyya iyyeemih, «Too ayro fillal keenik abbixe coox keenik kaleyyo. Axawah edde yanin silsilat keenik afdigeyyo. Too ayrok wadir marin marih naqoosa mayakkan.

Ermiyaas 44:1

Yuudah yooboke maray Masril Migdol kee Tacfanhis kee Moof deqsitta magaaloolil yani kee, Masrik gabbi-qaxat raaqa maray Yuudah aabakuk yenehiyyah giddinaamak, Ermiyaasal YALLIH qangara obte. YALLI kaak iyyeemih,

Ermiyaas 46:14

«Malik Nabkadnessar yamaatem Masri marah warisa. Migdol kee Moof kee Tacfanhis magaaloolil yan mara iysixxiga. Keenik intaanamah: ‹Sin xaqul yan mara edde selan seef sin kaadu macaba'mmay edde koysittoonu duddeenik, bical gaca› keenik inxica.

Yacedkel 29:15

Doolatwak inkih boolah gacta doolat akkeloonuuh; marin doolatih abbootanak raaqelon. Hebeltô tuxxiq sinni mara ken abeyyooh, tonna-leemiik tohuk wadir doolatwa isinni gubat mahaan.

Yacedkel 30:23

Masri mara, ummat addat, baxacah ruubeyyooh; aaxige waan marih fanat fixixih ken ruubeyyo.

Yacedkel 30:3

Intaamah, ‹Umaane edde takke ayro xayih. YALLIH abto edde tamballayu wayta ayro xayih; baadal tan ummatta gadaama edde tabbaxu waytaah, qamburre baaxo edde buultu wayta ayro xayih.

Yacedkel 31:18

«Masri malikow, Qadan cooxih addak xexxar kee hayba le caxa koo maay aleltaa? Meelelta'mmay, ahak wadir atu Qadanal suge cooxuk kaxxih Gahannab oobetto. Tokkel diini maleela kee carbit rabe marat angaletto. Masri malik kee kay marat akkelem tamah teeti. Tahat yabtam yoo YALLAY Mulki lehiyya» iyye.

Yacedkel 32:7

Koo bayisu waa saaku, qaran kee cutuukal dite qideyyo. Ayro qamburrek darret gacele. Alsa ifu cabele.

Yacedkel 34:27

Coox caxâ-miru keenih xalele; buqrek daro orbisitelon. Kulli num isi baaxol amaanah keenik xiinele. Yi marak axawah edde yanin silsilat kalla heeh, naqoosah ken le marak currih ken ayyaaqu waa saaku, YALLA kinniyom yok aaxigelon.

Yacedkel 38:9

Koo kee ku qaskar kee, wohuk kalah, mango baaxok yemeete mari sin lih gacca 'yeh, caacoh innal, ken wararetton. Inkih tan baaxo qamburreh innah buuletton» iyye.

Ayyuqel 3:15

Ayro kee alsa dattooweleeh; cutuuka ifak maraqta.