Yacedkel 30:16 - NABUWWA KEE MALIKWA

¹⁶ Masrit gira ruubeyyo. Baslus magaala kaxxam ankikkiqele. Teebes magaalat maroh tan gaso addigillele. Moof magaalat kaxxa umaane akkele.

Yacedkel 30:16 ပူးပေါင်းရင်းမြစ်များ

Ermiyaas 44:1

Yuudah yooboke maray Masril Migdol kee Tacfanhis kee Moof deqsitta magaaloolil yani kee, Masrik gabbi-qaxat raaqa maray Yuudah aabakuk yenehiyyah giddinaamak, Ermiyaasal YALLIH qangara obte. YALLI kaak iyyeemih,

Yacedkel 28:18

Tellemmol abtah tan baatilik gexxaamah, qibaadah arooca inkih kok nadaasa tekke. Tonna-leemiik kok tewqe gira urseh; inkih tan magaala edde carrise. Koo fan wagtu waa mari gomboduk sah kok raqtem ane waytam yublen.

Yacedkel 30:13

YALLAY Mulki lehiyya iyyeemih, «Moof deqsitta magaalal tan gabat bicsen duyyey yaqbudeenihiyya kee, yalla axcuk elle yaaminem keenik bayseyyo. Masri ahaysa abba mageya. Inkih yan rasut cunxo ruubeyyo.

Yacedkel 30:14

Fatros deqsita aracay gabbi-qaxat raaqahiyya foyya abeyyo. Xooqan magaalay kilbat le kabut raqtahiyyat gira ruubeyyo. Teebes magaalal cokmih digaala ruubeyyo.

Yacedkel 30:15

Masri-qaskar amô-reebu le aracay migaaqah Baslus deqsitahiyyal, inni naqabu oobiseyyo. Teebes marih gaddaliino kee midir bayseyyo.

Yacedkel 30:17

Awen kee Bubastis magaaloolil yan qunxaaneyti inkih carbit ambaxele. Tohuk raqtem seewah beelon.

Yacedkel 39:6

«Magoog rasu kee baddi afal amaanah xinta ummat elle tan rasut gira ruubeyyo. Too saaku anu YALLA kinniyom kulli num yok aaxigele.

Hosiqa 9:6

Ken baaxo bayisu waa saaku, yasillimu waa mari Masri baaxol gexeleeh, magaqah Moofu deqsita aracal ken aaguqelon. Oson duma yedderen qado-lakqo elle luk sugen arooca kee, dabaaqah edde sugen buxaaxi elle ten aroocal, keenik waaqex kee sissib aabukele.