Yacedkel 30:14 - NABUWWA KEE MALIKWA

¹⁴ Fatros deqsita aracay gabbi-qaxat raaqahiyya foyya abeyyo. Xooqan magaalay kilbat le kabut raqtahiyyat gira ruubeyyo. Teebes magaalal cokmih digaala ruubeyyo.

Yacedkel 30:14 ပူးပေါင်းရင်းမြစ်များ

Yasaqya 11:11

Too ayro YALLI qagisak isi-qandet isi-maray baatik-saaboh-raaqehiyya le baaxol gacsele. Assuuriya kee Masriiy; Fatros deqsita aracay Masrik gabbi-qaxat raaqahiyya kee Kuusuuy; Qeelam kee Baabelon baaxooy; Camat kee baddi dariifal tan baaxooxak ken baahele.

Yasaqya 19:11

Xooqan magaalal yan doolat mari duquura. Masri-malikih fayu yecee marak kaxxa-mari tu xiqe sinni *fayu kaat aba. Masri malikik, «Nanu dumî-dabaanal Masril sugte ixxiga leela kee malikwah arac raaqise mara kinnino» iyyoonu anni'nnal yaaxigen!

Yasaqya 19:13

Xooqan kee Mooful tan abbobti, duquurusen duquura. Sinam baaxo miraacisu waa mara ken tekkeleh sugte. Takkay immay oson too baaxoh mara makot been.

Yasaqya 30:4

Xintoh-abbobti Xooqanal loonuh, farmoh afat ruuben mari Caanis deqsitta magaala gufeenim aaxigeh immay,

Ermiyaas 44:1

Yuudah yooboke maray Masril Migdol kee Tacfanhis kee Moof deqsitta magaaloolil yani kee, Masrik gabbi-qaxat raaqa maray Yuudah aabakuk yenehiyyah giddinaamak, Ermiyaasal YALLIH qangara obte. YALLI kaak iyyeemih,

Ermiyaas 44:15

Nabi Ermiyaas ta yaabih warsiyyak gaba kalla hee waqdi, gennaaqoh agbi akak yaqbuden duyyeh qaydarus ruubam taaxigeh tan labha kee, wokkel gaabooweh suge agabuy manguk yenehiyya kee, Masrik gabbi-qaxat raqta exxal dabaaqah yen Israayil marih agantah kaak iyyeenimih,

Ermiyaas 46:25

YALLI kaadu iyyeemih, «Yoo YALLAY Nabaamak Nabah, Israayil doore Dagelta kinnihiyya axcemii: Amon deqsittaamay yalla akak iyyaanaah Teebes deqsita aracal yaqbudeenihiyya digaaleyyo. Masri mara kee Masri mari yallah le duyye digaaleyyo. Masri malik kee kaal yaamine mara beyya heeh,

Yacedkel 29:14

Tohuk lakal oson akak raden mari elle suge Masrik gabbi-qaxi fan ken gacseyyo. Tokkel boola-le doolatah gacelon.

Yacedkel 29:19

Tonna-kinnuk, taway yoo YALLAY Mulki lehiyya axceemih, Masri baaxo Malik Nabkadnessarah aceeyyo. Masri baaxol sugga 'te duyye buubbaay radda heeh beeleeh, tokkel isi qaskarih cawal agdiyele.

Yacedkel 30:15

Masri-qaskar amô-reebu le aracay migaaqah Baslus deqsitahiyyal, inni naqabu oobiseyyo. Teebes marih gaddaliino kee midir bayseyyo.

Yacedkel 30:16

Masrit gira ruubeyyo. Baslus magaala kaxxam ankikkiqele. Teebes magaalat maroh tan gaso addigillele. Moof magaalat kaxxa umaane akkele.

Yacedkel 30:19

Masri too digaalah digaalu waa saaku, YALLA kinniyom yok aaxigelon» iyye.

Yacedkel 30:8

Masri magaaloolit gira ruubu waah, is dacayrih luk sugte qaskar selu waa saaku, YALLA kinniyom yok aaxigelon.

Naacum 3:8

Nanawey, atu Teebes deqsitta magaalay Masrik inaytah tenek maay tayse? Too magaalak gasoh innah reebu teetih yakke weeqaytu luk ten. Toh, Niil kaxxa weeqaytu.