Yacedkel 30:13 - NABUWWA KEE MALIKWA

¹³ YALLAY Mulki lehiyya iyyeemih, «Moof deqsitta magaalal tan gabat bicsen duyyey yaqbudeenihiyya kee, yalla axcuk elle yaaminem keenik bayseyyo. Masri ahaysa abba mageya. Inkih yan rasut cunxo ruubeyyo.

Yacedkel 30:13 ပူးပေါင်းရင်းမြစ်များ

Ermiyaas 10:11

Too duyye yaqbude marak intaanamah, «Isin taqbuden duyye qaran kee baaxo magininna. Tonna immay isih bayak maaciseleeh, baaxo bagul maraagta» keenik inxica.

Ermiyaas 2:16

Moof kee Tacfanhis deqsitta magaaloolil yan mari moyyak gude siinik molla heeniih sinam qangaasal sin aben.

Ermiyaas 43:12

Masri mari yallah le duyye elle yaqbuden qarwat gira ruubele. Yallah lon duyyey gabak bicseenihiyyak garabat gira ruubeleeh, garab kaadu dannabah keenik beele. Saqat duwah yan num xagaral le raraytok inkaaqe elle yafiile'nnal, Masril sugga 'tem inkih ifiilla heeh isi baaxo beele. Takkay immay xagar num kaak maxagaay, amaanah awqele.

Ermiyaas 43:13

Taahirik yan xaay xeerihiyyay Helyobbolis deqsitta magaalal yanihiyya bayseleeh, Masri mari yallah le duyye elle yaqbuden qarwa carriselon› keenik inxic» 'yaanam kaak iyye.

Ermiyaas 44:1

Yuudah yooboke maray Masril Migdol kee Tacfanhis kee Moof deqsitta magaaloolil yani kee, Masrik gabbi-qaxat raaqa maray Yuudah aabakuk yenehiyyah giddinaamak, Ermiyaasal YALLIH qangara obte. YALLI kaak iyyeemih,

Ermiyaas 46:14

«Malik Nabkadnessar yamaatem Masri marah warisa. Migdol kee Moof kee Tacfanhis magaaloolil yan mara iysixxiga. Keenik intaanamah: ‹Sin xaqul yan mara edde selan seef sin kaadu macaba'mmay edde koysittoonu duddeenik, bical gaca› keenik inxica.

Ermiyaas 46:19

Masri maraw, seewah sin beeloonu'mmay gexoh bical gaca. Moof magaala abuuruh raaqele; num kee lac elle deedala abur akkele.

Ermiyaas 46:25

YALLI kaadu iyyeemih, «Yoo YALLAY Nabaamak Nabah, Israayil doore Dagelta kinnihiyya axcemii: Amon deqsittaamay yalla akak iyyaanaah Teebes deqsita aracal yaqbudeenihiyya digaaleyyo. Masri mara kee Masri mari yallah le duyye digaaleyyo. Masri malik kee kaal yaamine mara beyya heeh,

Ermiyaas 46:5

Takkay immay afak toh iyyaanamah, cunxoh wadir-wadir aduurih ken able. Qeebil gacah ken able; cunxoh kaxxam aawwih ken able. Quuruuk foocah yardeenimik sah, wadirih mawagtan.

Yacedkel 30:16

Masrit gira ruubeyyo. Baslus magaala kaxxam ankikkiqele. Teebes magaalat maroh tan gaso addigillele. Moof magaalat kaxxa umaane akkele.

Hosiqa 9:6

Ken baaxo bayisu waa saaku, yasillimu waa mari Masri baaxol gexeleeh, magaqah Moofu deqsita aracal ken aaguqelon. Oson duma yedderen qado-lakqo elle luk sugen arooca kee, dabaaqah edde sugen buxaaxi elle ten aroocal, keenik waaqex kee sissib aabukele.

Xafanya 2:11

YALLI akak cunxitan umaane keenil ruubele. Addunyal yan mari yallah le duyyeeya foyya keenik abele. Too waqdi kulli mari, elle aninnaan baaxol, YALLA aqbudele» iyye.

Zakariyya 10:11

Kaxxa gibdaabina keenil yakku waa badak adda gacca 'yeenih gexaanam faxan waqdi, yooy YALLAH yani woo badih haffo keenih aatukeyyo. Baddi haffo soolele. Niil weeqaytuy adda le kafinuk cabeyyo. Assuuriyah yooboke mari le kaxxiina ken cabsiiseyyooh, rammita mara ken abeyyo. Masri maray kaxxa qande le, qande cabsiiseyyo.

Zakariyya 13:2

«Too ayro Yalla axcuk aqbuduk sugen duyyey xeet kee cooxuk bicseenihiyyah migooqa baaxok bayseyyo. Tohuk wadir too duyye num kassitak maraaqa. ‹Nabi kinniyo› iyya mara bayseyyooh; nadaasak tan roocaaniyyay ken yaabissahiyya baaxok ayyaaqeyyo.