1 YALLIH qangara yol obteeh; yok iyyeemih:
Too ayro, Masri rasuk gudet, YALLAY Nabaamak Nabahiyyah sadgat elle aban arac heelon. Masri cuduudul kaadu xeetik bicsen qamidduy kaa elle kassitaanahiyya heelon.
Masrit qeebi abeleeh, qeebil teetik aysele. Dalkah rabu waa mari keenik dalkah rabeleeh, seewah keenik beyoonu waan mari seewah gexele. Qeebit rabu waa mari keenik qeebit rabele.
Tokkel YALLIH qangara Ermiyaasal obteeh; kaak iyyeemih,
YALLI doolatwah giddinaamak nabi Ermiyaasal oobise yab ah kaana.
Seewah nee edde been labaatanna kee malcinhaytô sanatak inikhaytoh alsak inikhaytoh ayrot, YALLIH qangara yol obteeh; yok iyyeemih:
«Bani-adantow, Masri malikit takku waytaamat yab. Kaa kee inkih yan Masri-rasut digaala akkelem kaah waris.
«Too saaku Israayil mara cayla-leela abeyyo. Yacedkelow, koo kaadu sahda koo elle taabbe ikkel yaaba num koo abeyyo. Tonnal YALLA kinniyom yok aaxigelon» iyye.
«Bani-adantow, takku waytaamat yab. ‹YALLAY Mulki lehiyya iyyaamah: Boogisay, «Woo saaku takku waytaamow!» axcuk, anay fayya hayisa› inxic.
«Dumah yan saaku Masri malik a addunyal enna 'ya mari akak cunxita num abeh suge. Takkay immay kaa kee kay qaskar rabeleeh, tohuk wadir diini maleelay carbit rabtehiyya lih gacelon. Tahat yabtam YALLAY Mulki lehiyya» iyye.
