Yacedkel 3:9 - NABUWWA KEE MALIKWA

⁹ Gibdah xixxaq innah koo heeyyooh, qandeh qadoo-xaahi innah koo heeyyo'mmay, ama yabti-cina-leelak mameysitin» yok iyye.

Yacedkel 3:9 ပူးပေါင်းရင်းမြစ်များ

Yasaqya 41:10

Tonna'mmay anu sin lih anik, mameysitina. Sin Dagelti yook, niya siinik addigille waytay. Qande siinit heeyyooh sin cateyyo. Inni gabay qadaalat lehiyyat sin dacriseyyo.

Yasaqya 41:14

Yalli iyyemii: «Israayil ummatey, qunxaah boola le marah tantoonum siinik aaxigeh immay cato akak geytaanam, yooy kudduusuk yan sin Dagelta kinnihiyya kinnuk, mameysitina. Sin wadeeni, yooy kudduusuk yan sin Dagelta kinni.

Yasaqya 50:7

Ken xaafi yol baaham mali; YALLAY Mulki le yoo cataah; toh abaluk, tu edde mawaa. Ableemil inkih asbiruk, aabbeemil inkih asbiruk, takkay axceh edde xiina. Faxe xaafu yot aban way, qaybi akah yoo mayabbixa.

Ermiyaas 1:17

Tonna'mmay taway ugutay, anu kok axcu waam keenih warissa'gidih bical gac. Keenik mameysitin. Keenik meysitta intek, ken foocal kaxxa cunxoh akak cunxittam kot ruubeyyo.

Ermiyaas 1:8

Anu koo cata'gidih ko'lih aniih; num kot baaham mali. Tah intam yoo YALLA'mmay, keenik mameysitin› 'yaanam yok iyye.

Ermiyaas 15:20

Nacaasak bicsen birtay xaggiime waa keenil akketto. Qeebi kot abe loonu'mmay, kok mayaysan. Anu innih ko'lih gaceyyo. Koo xagtu waytam matan.

Ermiyaas 17:18

Yoo xakaake kala mara qawratak qid. Takkay immay yoo qawratak maqidin. Cunxo keenit qid; yot cunxo maqidin. Gadaama keenil oobis; rike rikeh kuramkuruumaanam fan bala keenil rub!» 'yaanam exce.

Yacedkel 2:6

«Atu keenik mameysitinaay oson iyyaanamak mameysitin. Waaqex-keenan kol akke loonuuh; igixwak fanat yan num koo abeloonu'mmay, ken yab kee fooca koh ribaanamah keenik mameysitin.

Yacedkel 3:10

Yalli qagseh yok iyyeemih, «Bani-adantow, ko'lih yaaba yab nagay cubbusay raq.

Yacedkel 3:8

keenik kaxxih yab aabbe waah, afqado gibdi num koo abeyyo.

Yacedkel 44:6

Kaadu qagseh iyyeemih, «Israayil maray yabti-cina lehiyyak intaamah: abtan dambi ahaysa sin xiqah.

Miika 3:8

Nabi Miika iyyeemih, «Yoh tu gactek, YALLI isi Roocaaniyya dudda luk yol oobiseeh, isi qande yot hee. Qadaalatah tanim yoo yuybulleeh, Israayil mari aba dambit inti qasuk keenih edde warisa dudda yoh yecee.

Zakariyya 7:12

Afqado keenik gibdah, xaa tekke. Oson anu ruube nabuwway yi Roocaaniyya cato leeh, yi xinto barissahiyyah yab cineeniih; tohih sabbatah ken inqibeh suge.