Yacedkel 3:20 - NABUWWA KEE MALIKWA

²⁰ «Yalli kicna taamah abittot suge num, fanaak uma-taama abam baahe kaa tekkeeh, anu kaadu umam kaal bahha heeh, a numuk, ‹Maabinay uduur› 'yaanam axce waytek, isi qamalah rabeleeh; duma abba hee maqaane kaah maloowinta. Tonna-leemiik too numih raba kok weeyyo.

Yacedkel 3:20 ပူးပေါင်းရင်းမြစ်များ

2 Aydaad 24:2

Yooqas, sek Yoyadaq addunyal yanim fanah, YALLI kicna taamat asak suge.

2 Aydaad 25:15

Taham YALLIH naqabu kaah bahte. Tonna-leemiik YALLI nabi kaa fan ruube. Too nabi kaal yemeete waqdi, kaak iyyeemihii, «Ta duyyey elle gexxe baaxoh mari aqbuduk sugehiyya yaqbudeenimit koo bahtem macaa? Aham tu xiqta way, le maray aqbuduk sugehiyya wadak ten kaak; koo tahat asissem macaa?» kaak iyye.

Yasaqya 64:6

Nakkeemik caraamuk yan mara nekke. Abba hayna meqe taama nek inkih, abicih tan saroh innah tan. Abnah nan dambik gexxaamah laqaymumma 'yeh kafe ayyuufay caacayat gexah gidek nan.

Yasaqya 8:14

Yi *taahiriino siinih reebu akkele. Takkay immay Yuuda kee Israayil marah, xaay sahda adafa kinniyoh; ken yannikisse xaa kinniyo. Yarusalaam mari edde radu waa oflo kinniyo.

Ermiyaas 34:16

Takkay immay sarrak wadir inteenimit qagitteeniih, ruffu yoo elle hayten ikkel, wadir yi migaq tuyqunxeenih. Takkeenimiik, currih sin cabnek gexxaasita akak inten mara, wadir naqoosannuh gacissen.

Ermiyaas 6:21

YALLI tohuk gexxaamah iyyaamah: «Ama mara aydafoofoleyyo; xaylooy, xaleenaay, kataysis kee cuggaane keenik bayseyyo» 'yaanam iyya.

Yacedkel 14:3

«Bani-adantow, ama marih kalbi, gabat bicsen duyyeh qibaadat yufkuneh yaniih; too duyyey dambi lem xalta isinni misinkacal heenih yaniinik, anu tu yoo esseri ken maha.

Yacedkel 18:24

«Meqe num abak suge maqaane cabbaay, uma mari abak suge umaane kee taamat cule kaa tekkek, tonnal waaru waam maay takkalen? Waar hinna'mmay, woo duma abe maqaane kaak baata. Luk suge imaan cabak, yok yexxeereeh dambit aseemih sabbatah, rabele.

Yacedkel 18:26

Meqe num abak suge maqaane cabba heeh uma taamat gaca saaku rabe kaa tekkek, akah rabem isih abe uma taamak tan teeti.

Yacedkel 3:18

Tonna'mmay umeenah yan num abeh yan uma taamak gexxaamah, edde rabu waa wakti kaat xayim koh warissa heeh; woo num rabak cattiima'gidih, ‹A edde tan uma taama cab› 'yaanam kaak axce wayya hayteh; too num too abak suggu 'ye dambih rabeeh, woo dambi xagarat luk rabelek, tonnal kay raba kok weeyyo.

Yacedkel 33:18

Duma cakkik tanim abak suge num woo cakki cabba heeh uma taamah abittot gacek, too umaaney edde asahiyyak gexxaamah rabele.

Yacedkel 33:6

Takkay immay dacayrih yan num naqboyta amaatih ubullaay astah baanta aagure wayya heek, tonnal naqboytit amma 'teh a marak tu qideenik, too mari isi uma-taamah rabele'mmay, too marih raba gaaxah yan numuk weeyyo.

Yacedkel 7:19

Luk sugen dahab kee lakqo guddaafah innah qidelon. Anu bagcarrita saaku, ken lakqo kee dahab yi bagcarrak ken macatta. Dahab kee lakqo faxaanam keenih maduudussa; qululuk ken macatta. Dumaak dambit ken asissem, tama dahab kee lakqo.

Daaniyel 9:18

Yi Dageltaw, ayti yoh ucuyaay axcem yok oobbey! Nanu edde nan gadaama ubul! Ku magaalay abuuruh raqtahiyya wagit. Nanu koo akah kallacnam, cakki bagul yan mara nekkek sah hinnay, atu racmatta le Dagelta tekkek sah koo kallacna.

Xafanya 1:6

Yot darre cabaah, yi gita kataate waa mara bayseyyo. Too mari yot baaqid sinni maray catoh yol kibalsite waahiyya kinnon» iyye.