Yacedkel 3:14 - NABUWWA KEE MALIKWA

¹⁴ YALLIH qande maqar luk xagarat yok culte. Yallih Roocaaniyya yoo tukkuqe waqdi, tu'naqabu kee bagcarra xagarat yok culte.

Yacedkel 3:14 ပူးပေါင်းရင်းမြစ်များ

1 Malikwa 18:12

Anu akkek gexa waqdiik, YALLIH *Roocaaniyya beyya koo hayteh, aaxige waan baaxol koo qiddek, maca abeyyo? Atu akkel tanim kaah warissa heeh akkel koo week, raba yol ackumele. Anu awkah en saakuuy a saaku fanah YALLIH qibaadat yan num kinniyo.

1 Malikwa 18:46

YALLIH qande Eliyyasal gacte. Too waqdi Eliyyas saro isik axcal kariqqa heeh, Acab-gaarik-foocat Yidraqel magaala fan yerde.

2 Malikwa 2:16

Sarrak iyyeenimii, «Cayla le kontomuy akkel yanihiyyak genxeh ku abbah yan num waginnu wayna. Yallih roocaaniyya beyya kaa hayteh qalek teenah amo akki kee, hinnay kaadu, golok teenah addal kaa qiddeh cabtam takkeh» kaak iyyen. Eliisaq, «Aleey magexina» keenik iyye.

2 Malikwa 3:15

sarrak «Gexay saareh yaaguren duyye digira num yoh baaha» iyye. Woo num yemeeteh, saareh yaaguren tiya yoogore waqdi, YALLIH *Roocaaniyya Eliisaqal obte.

Yasaqya 8:11

YALLI isih le kaxxa qandet a ummatta katatta gita kataye waa'gidih, aylahu yoh kaleh. Iyyeemih,

Ermiyaas 6:11

YALLAW, atu keenit akah bagcarritta'nnal, anu kaadu keenit bagcarritah an. Inni abbaxu maduuda» exce. Toh exce waqdi YALLI yok iyyeemih, «Yi naqabu beyay giti-addal yan urru kee furrayna elle gaabowte aracal cax. Baqala kee barra too bagcarrah duufut gexeleeh, idoolay bar nabahiyya kinni way akak macattinta.

Yacedkel 1:3

YALLIH qangara yol obteeh; YALLI yo'lih yaabe waqdi, kay yab oobbeh, kay qande yoh tumbulle.

Yacedkel 11:1

Yallih *Roocaaniyya baaxok ugussa yoo hayteh, ayrô-mawqa le kabut raqta YALLIH Qibaadah-Qarih culma fanah yoo bahte. Tokkel culmak xaqul labaatanna kee koona num uble. Too labaatanna kee konooyut Qaddúr-Yaadanya kee Banaayá-Falatya deqsitta abbobti yan mari edde yen.

Yacedkel 3:12

Tohuk gaba kale waqdi, Yallih Roocaaniyya ukkuqqa yoo hayteh yoo beyteeh; too waqdi darre le kabuk, «Yalli elle yan qaraanal, nabna kaak kulsa le; kaa faylisa» inta xongolo oobbe.

Yacedkel 37:1

YALLIH gaba xagaral yok gacteeh, isi Roocaaniyyat beyya yoo heeh, golok gudel daffessa yoo hee. Woo goloh addal mango lafoofi ten.

Yacedkel 40:1

Seewah nee edde been labaatanna kee konoyhaytô sanat tikkaay, allî baaxoh mari Yarusalaam yibbixeemih taban kee fereyhaytô sanat tikka 'yeh, qusba sanat culeemih tabanhaytoh ayro tikka 'te saaku, YALLIH qande maqar luk yol gacteeh, too qande fayya yoo hayteeh yoo beyteh.

Yacedkel 43:5

Too waqdi Yallih *Roocaaniyya ukkuqqa yoo hayteeh, adda le kabu raaqa daarat fan yoo culusse. Tokkel YALLIH nabna yaybulle nooriy inkih yan Qibaadah-Qari ifsahiyya uble.

Yacedkel 8:1

Seewah nee edde been laceyhaytô-sanatak laceyhaytoh alsak konoyhaytoh ayrot, Yuudâ-baaxol yok kaxxih seewah been idoola lih, inni buxah addal malâ daffeynat an waqdi, Mulki le Dageltih qande garcik yol obte.

Yacedkel 8:3

Gabah innal tanim yoo fanah ruubunteeh; amô-xagor yok tibbixe. Too waqdi suwaawur gurral, Yallih Roocaaniyya qaran fanah yoo teyyeeqeeh; Yarusalaamak kilbat le kabuk yamaaten waqdi, Yallih Qibaadah-Qarik adda akak culan afa yoo bahte. Tokkel gabat bicsen duyyey yallah loonuhiyya fanah yoo bahte. Yallih naqabu bahtem, too duyyek ten.