Yacedkel 3:13 - NABUWWA KEE MALIKWA

¹³ Tonnah kaadu taaxige rooci-leemih galwa qaran bagul tittat abtah tan booduk radda xongoloh anay kee, taaxige koramkorak gexxa ibittek raddah tan xongoloy baaxoh angoyyi anay lehiyya oobbe.

Yacedkel 3:13 ပူးပေါင်းရင်းမြစ်များ

2 Samuwel 5:24

Tokkek coox amook ibi maaqattah anay kol radu waa waqdi, qeebih gaba qid. Macaay intek, Filistiin-marak tayse'gidih, foocat anu kok gaceyyo» iyye.

1 Malikwa 7:30

Woo gaarik kulli tiya edde gexxa nacaasak bicsen affara iba luk ten. Woo affara ibi kaadu nacaasak bicsen mansafay gaarih iba yasgayyehiyya luk yen. Kulli gaarih amol kaqaylo sacni yen. Kaqaylo sacnih buxux elle daffeysan birti gaarih addal yen. Woo birtih bagul silsilat ceela taswir heen.

Yacedkel 1:15

Ta rooci-leemih wagittot an waqdi, affara mansafay koramkorak gexahiyya uble. Too fereeyiik kulli tiiy rooci-leemik tattabat, baaxô-bagul daffeyah uble.

Yacedkel 1:24

Haadan waqdi galway tittat keenik booddah anay oobbe. Too anay roobuy yangudehiyyah anay luk yen. Tonnah kaadu mango macaxuy waxxaq iyyah anay luk yeneeh; Nabaamak Naba Dageltih xongolo kaadu ceelak yen. Haadak suggu 'yeenih yeeden waqdi, rooci-leemik kulli ti isi galwa xambaqqa hee.

Yacedkel 10:5

Galwa-leemih galwak tawqeh tan xongolo, Qibaadâ-Qarik afa le kabu raaqa daaratal kinni way antaabbuk ten. A xongolo Nabaamak Naba Dageltih xongoloh anay luk ten.