Yacedkel 3:12 - NABUWWA KEE MALIKWA

¹² Tohuk gaba kale waqdi, Yallih Roocaaniyya ukkuqqa yoo hayteh yoo beyteeh; too waqdi darre le kabuk, «Yalli elle yan qaraanal, nabna kaak kulsa le; kaa faylisa» inta xongolo oobbe.

Yacedkel 3:12 ပူးပေါင်းရင်းမြစ်များ

1 Malikwa 18:12

Anu akkek gexa waqdiik, YALLIH *Roocaaniyya beyya koo hayteh, aaxige waan baaxol koo qiddek, maca abeyyo? Atu akkel tanim kaah warissa heeh akkel koo week, raba yol ackumele. Anu awkah en saakuuy a saaku fanah YALLIH qibaadat yan num kinniyo.

2 Malikwa 2:16

Sarrak iyyeenimii, «Cayla le kontomuy akkel yanihiyyak genxeh ku abbah yan num waginnu wayna. Yallih roocaaniyya beyya kaa hayteh qalek teenah amo akki kee, hinnay kaadu, golok teenah addal kaa qiddeh cabtam takkeh» kaak iyyen. Eliisaq, «Aleey magexina» keenik iyye.

Yasaqya 6:3

Tittah seecak yeneeniih, «YALLAY Nabaamak Nabahiyya *kudduusuk yan. YALLAY Nabaamak Nabahiyya *kudduusuk yan. YALLAY Nabaamak Nabahiyya *kudduusuk yan. Kay nabna inkih tan addunya duddah» iyyen.

Yacedkel 10:4

Tohuk lakal YALLIH nabna yaybulle ifuy kaxxa diifu lehiyya galwa leemik cabba heeh, Qibaadâ-Qarih culma fanah gexe. Qamburre inkih yan Qibaadah-Qari bulte. YALLIH nabna yaybulle ifuy diifu lehiyya Qibaadâ-Qarih daarat duuduse.

Yacedkel 11:1

Yallih *Roocaaniyya baaxok ugussa yoo hayteh, ayrô-mawqa le kabut raqta YALLIH Qibaadah-Qarih culma fanah yoo bahte. Tokkel culmak xaqul labaatanna kee koona num uble. Too labaatanna kee konooyut Qaddúr-Yaadanya kee Banaayá-Falatya deqsitta abbobti yan mari edde yen.

Yacedkel 2:2

Tonna luk Yallih *Roocaaniyya xagarat yok culteeh, edde soola qande yot hayte. Sarrak kaadu usuk yo'lih yaabah oobbe.

Yacedkel 3:11

Ku baaxoh maray seewah beenihiyya fan gexay; kok aabbe kee wee yakkeeni'mmay, yoo YALLAY Mulki le keenik axceh anim keenih waris» yok iyye.

Yacedkel 3:14

YALLIH qande maqar luk xagarat yok culte. Yallih Roocaaniyya yoo tukkuqe waqdi, tu'naqabu kee bagcarra xagarat yok culte.

Yacedkel 43:4

Too ifuy YALLIH nabna yaybulleehiyya Qibaadâ-Qarik ayrô-mawqa le kabut raqta afa fanah gexeeh; tokkeek Qibaadâ-Qarih adda cule.

Yacedkel 43:5

Too waqdi Yallih *Roocaaniyya ukkuqqa yoo hayteeh, adda le kabu raaqa daarat fan yoo culusse. Tokkel YALLIH nabna yaybulle nooriy inkih yan Qibaadah-Qari ifsahiyya uble.

Yacedkel 8:3

Gabah innal tanim yoo fanah ruubunteeh; amô-xagor yok tibbixe. Too waqdi suwaawur gurral, Yallih Roocaaniyya qaran fanah yoo teyyeeqeeh; Yarusalaamak kilbat le kabuk yamaaten waqdi, Yallih Qibaadah-Qarik adda akak culan afa yoo bahte. Tokkel gabat bicsen duyyey yallah loonuhiyya fanah yoo bahte. Yallih naqabu bahtem, too duyyek ten.

Yacedkel 9:3

Too waqdi Israayil doore Dageltih nabna yaybulle ifuy diifu le, naharak elle suge galwa-leemih amok katta 'yeh, Qibaadâ-Qarih culma fanah gexah uble. Sarrak YALLI, taaxige-meqe sarot-sartanah-yan numuy gabat kutbe elle aban duyye lehiyyah secca 'yeh,