Yacedkel 29:6 - NABUWWA KEE MALIKWA

⁶ Masril yan mari inkih YALLA kinniyom tohuk lakal yok aaxigelon› » iyye. YALLI iyyeemih, «Masri maraw, Israayil mari catoh niya siinil luk suge. Takkay immay qandeh bayre caxxak maysinniton.

Yacedkel 29:6 ပူးပေါင်းရင်းမြစ်များ

2 Malikwa 18:21

Masri mari yemeeteh koo catelem takkale'mmay, toh bayreyta gabah caxxah haanamih bis le. Bayreyti gabâ-caxxa mayakka; yaddigilleeh, gaba kok qanxiseh caba. Kibaal kaal heenik, Masri-malik toh elle yan'inna› kaak inxica» keenik iyye.

2 Malikwa 18:24

Masri mari gaariira kee faras qeebi aba mara siinih ruubaanamah, Assuuriyah qaskar abbobtik gacca 'ya num siinik aysele» anqaasah keenik iyye.

Yasaqya 36:6

Masri mari yemeeteh koo catelem takkale'mmay, toh bayreyta gabah caxxah haanamih bis le. Bayreyti gabâ-caxxa mayakka; yaddigilleeh, gaba kok qanxiseh caba. Kibaal kaal heenik, Masri-malik toh elle yan'inna› kaak inxica» keenik iyye.

Ermiyaas 2:36

Cubbuse wayti kee baaqid sinnak gexxaamah, edde sugten caalat korisseenih. Assuuriyah mari sin akah wacarroyse innah, Masri mari kaadu sin wacarroysele.

Yacedkel 17:17

Baabelon mari magaalat maroh xissen gasoosak amo kora'gidih mango mara qidaana'gidih, burtak eded bicseloonuuh megdebih edde gacan boodooda bicselon. Too waqdi Masrik agiirah tan qaskar tamaateemih, qeebil kaah tu maxiqta.

Yacedkel 28:26

Too baaxol amaanah xiinelon. Tokkel buxaaxi xissiteloonuuh, qinab coox abqurelon. Cuggaaneh keenik yan maray ken bursutak suge digaaleyyooh; Israayil amaanah xiinele. Too waqdi anu YALLAY ken Dagelta kinniyom aaxigelon.

Yacedkel 29:16

Israayil tohuk wadir ken catol kibaal haanamak raaqele. Israayil, Masrik ellecabo tabalu wayta saaku, Masril hayteh sugte kibaal qellat kinnim isik aaxigele. Israayil mari YALLAY Mulki lehiyya kinniyom, too saaku yok aaxigele» iyye.

Yacedkel 30:8

Masri magaaloolit gira ruubu waah, is dacayrih luk sugte qaskar selu waa saaku, YALLA kinniyom yok aaxigelon.