Yacedkel 29:15 - NABUWWA KEE MALIKWA

¹⁵ Doolatwak inkih boolah gacta doolat akkeloonuuh; marin doolatih abbootanak raaqelon. Hebeltô tuxxiq sinni mara ken abeyyooh, tonna-leemiik tohuk wadir doolatwa isinni gubat mahaan.

Yacedkel 29:15 ပူးပေါင်းရင်းမြစ်များ

Yacedkel 17:14

Toh akah abem, woo baaxoh mari wadiriik akah uguugute waah, kaa'lih haysiten bica kaal akah make waana'gidik ten.

Yacedkel 17:6

Taaxige dariyyi qinab caxa yekkeeh; kaxxam fayya maxcinnay, elle yani'kkel baxacah gexeeh, ambuk maacise. Ludwa akak, gubaak taaxige qawi elle tani'kke fan fayya 'te; ramiida akak baaxot addah gexxe. Mango ludwa kee ayyuufa bahte.

Yacedkel 30:13

YALLAY Mulki lehiyya iyyeemih, «Moof deqsitta magaalal tan gabat bicsen duyyey yaqbudeenihiyya kee, yalla axcuk elle yaaminem keenik bayseyyo. Masri ahaysa abba mageya. Inkih yan rasut cunxo ruubeyyo.

Yacedkel 31:2

«Bani-adantow, Masri malik kee kay marak intaamah: Qandek litom qunxam hinna! Koo aleltam iyyaay?

Yacedkel 32:2

«Bani-adantow, darraqah takke boogey Masri marah aboonu waanahiyya ah teeti. Doolatwa fanat qande le lubak is takkale. Takkay immay dori addat ibak gaba tasgayye xabaadoh gide kinnito. Lee ibat kalla abteeh, darraqosseh.

Zakariyya 10:11

Kaxxa gibdaabina keenil yakku waa badak adda gacca 'yeenih gexaanam faxan waqdi, yooy YALLAH yani woo badih haffo keenih aatukeyyo. Baddi haffo soolele. Niil weeqaytuy adda le kafinuk cabeyyo. Assuuriyah yooboke mari le kaxxiina ken cabsiiseyyooh, rammita mara ken abeyyo. Masri maray kaxxa qande le, qande cabsiiseyyo.