Yacedkel 28:26 - NABUWWA KEE MALIKWA

²⁶ Too baaxol amaanah xiinelon. Tokkel buxaaxi xissiteloonuuh, qinab coox abqurelon. Cuggaaneh keenik yan maray ken bursutak suge digaaleyyooh; Israayil amaanah xiinele. Too waqdi anu YALLAY ken Dagelta kinniyom aaxigelon.

Yacedkel 28:26 ပူးပေါင်းရင်းမြစ်များ

1 Malikwa 4:25

Usuk suggu 'yem fan, Israayil kee Yuudah yooboke mari amaanah xiinak suge. Kay dabaanal Israayil kee Yuudâ rasul suggu 'ye mari amaanah yeneeh; numtin amol qinab-xalta-caxa kee *sublayto luk yenen.

Yasaqya 17:14

Bari yakke waqdi cunxo sinaamat qideloonuuh; maaci maacisa waqdi masugan. Ni baaxo buuba marih ellecabo tamah teetiiy; tamah keenit akkele.

Yasaqya 33:1

Sinam baysew, woyyow kot takku waytaamow! Ku baati tekkeh masuginna'mmay ahaysa akkele. Sinam ganak sugte'mmay, koo gana mari masuginna. Takkay immay sinam edde ganak ten wakti gaba kalla heeh, sinam koo edde ganta wakti amaateleeh, sinam edde bayisak ten wakti gaba kalla haa waqdi, baati kot akkele.

Ermiyaas 12:14

YALLI qagseeh kaadu iyyemii, «Yi ummatay Israayilih toobokehiyyah anu-ecee-baaxo foyya-abe-marak axcem liyo. Tohuu, too mari umeynitiiy; tonna leemiik away elle yanin baaxok, caxa ragidik elle siiban innal, ken siibba heeh ruubeyyo. Yuudâ-maray oson umam elle baaheenihiyya ken gabak ayyaaqeyyo.

Ermiyaas 29:28

Usuk neey Baabeloonul yanihiyyah ruube warkatal, ‹Ama'kkel xer sanat sugettoonu'mmay, dabaq haysitaay nooka. Qarwâ-darret bustaan uysubukaay, too coox xalinnaan xaylo maaqoh haysita›, 'yaanam neh yuktubeh ruube», 'yaanam sek Xafanyah yuktubeh yen.

Ermiyaas 30:16

«Takkay immay ahak wadir sin baatit suge mari inkih bayeleeh, sin seewah bee mari inkih seewah gexele. Sin wararak suge mara warareloonuuh; sin buubak suge marat buuba akkele.

Ermiyaas 32:15

YALLAY Nabaamak Nabah, Israayil doore Dagelta kinnihiyyaa, ‹Buxaaxi kee buqre-baaxo kee qinab xala coox elle yaabuke baaxo, wadir edde limmoysoonu waan wakti amaatele› 'yaanam iyyeh yan, kaak exce.

Ermiyaas 32:37

Duma abeh an bagcarrah ken fixixiseyyooh, baaxo ken cabsiiseyyo'mmay, wadir gaabossa ken heeh, a baaxo ken gacseyyo. Akke gacissa ken heeh, tohuk wadir amaanah ken xiiniseyyo.

Ermiyaas 32:43

Isin inkih, ‹A baaxo gaba kalteeh; Baabelon-malikih gabat raddek wadir, num sinniih lac sinni abur akkele› 'yaanam intaana'mmay, ahak sarra sinam baqurê-baaxo teetil xaamele.

Ermiyaas 33:16

Too saaku Yuudâ-mari waddiimeleeh, Yarusalaam magaalal yan mari amaanah xiinele. Yarusalaam magaala migaaqah too saaku, ‹YALLAY Cakki neh Yekke› 'yaanam deqsitele.

Yacedkel 28:22

Keenik intaamah: YALLAY Mulki lehiyya siinik iyyaamah, ‹Saydah ummatey, anu sin naqboyta ekkeh an› keenik inxic. ‹Siinik abu waam yok yabalu waa mari yoo faylisele. Sin addal yan marat abah an digaalat taahirik anim innik ayballayu waa saaku, YALLA kinniyom yok aaxigelon.

Yacedkel 28:24

YALLI iyyeemihii, «Faxe baaxooxay dariifal geytimma 'taah, ken bursutak sugtehiyya tahak wadir Israayil ummatal ada matakka. Too waqdi YALLAY Mulki lehiyya kinniyom aaxigelon.»

Yacedkel 34:14

Israayil rasul akadah tan qaleela kee goloola beyya ken heeh, wokkel ken aylooleyyo. Tokkel meysi maleh akah yaloolen innah keenik abeyyo.

Yacedkel 34:31

«Isin yi illow, innih ayloole illow, yi mara kinnitoonuuh, anu sin Dagelta kinniyo. Tahat yabtam YALLAY Mulki lehiyya» iyye.

Yacedkel 36:9

Anu kaadu sin qaxat aniih, baaxol buqre abqurettoonuuh, away kaadu darqi elle aabukelem siinih diggoysa.

Yacedkel 38:11

Cato sinni baaxoh maray carbi able weeh, amaanah xiinaah, gaso sinni magaaloolil yanihiyya qeebit tabbixeemil malsetto.

Yacedkel 38:8

Uli baaxoy mango baaxol sugte ummatta tittal uduurra 'teh titta lih elle tanihiyya tan. Ta baaxoh mari carbi meysi mali. Mango sanatak lakal, too baaxo akah tabbixe innah koo ruubeyyo. Toh Israayil rasuuy; mango dabaanah Israayil qaleeli dibuk suge. Num sinniih lac sinni rasuh suge'mmay, a saaku woo mari woo qaleelal amaanah xiinan. Takkay immay too marat atu qeebi abetto.

Yacedkel 39:10

Too silac girâ-bocoh haysiteloonuuh; tohuk gexxaamah bocô-goranah coox elle yan booxa magexaanaay, garbok bocoh coox mayargiqan. Ken warare mara warareloonuuh, ken buube mara buubelon. Tahat yabtam yoo YALLAY Mulki lehiyya» iyye.

Hosiqa 11:11

Masrik kimbir innah haadak, yoo fan amaatelon. Assuuriyah rasuk kukkurruh innah, sissikuk yol aduurelon. Ahak sarra ken baaxo ken gacseyyo. Tahat yabtam yoo YALLA» iyye.

Hosiqa 2:15

Duma luk sugte qinab xala coox teetih gacseyyo. Gadaamâ Golo deqsitta golo, niya elle moqon golo akkele. Tohoysa baxuwwah Masrik tet eyyeeqe saaku akah yoo oggolte'nnah, yoo oggolele.

Hosiqa 2:18

«Too saaku alak alaakulleyti yi mara xage waa'gidih, qahdi heeyyo. Carbi edde abba haan silaacak seef kee gaysê-baxa baaxok ayyaaqeyyo. Yi ummat amaanah xintay 'yaanam axceyyo.

Cabakkuk 2:8

Mango baaxoh mara buubteeniih, mango baaxoh mara qidden. A saaku too marak saaboh raaqe mari sin buubele. Tah siinit akah takku waytam, sahdat abak sugten qidim kee baadal enna 'ya mara kee baadal enna 'ta magaaloolit abak sugten dirki kee umaaneh sabbata.

Zakariyya 1:15

Ama kaxxa amaan kee wagarih xiina marah kaxxam bagcarriteh an. Keenit akah bagcarritem, anu dago gide inni marat bagcarriteh sugeeh; too saaku yi mara kaxxam biyaaken.