Yacedkel 28:17 - NABUWWA KEE MALIKWA

¹⁷ Litoh tan qax-maqaane kaxxiina koo bahsisseeh, migaq-gexxoy luk sugte hawri koo cabsisseh. Tohuk gexxaamah xabba koo heeh, baaxot koo qide. Kot tekkem tuble malikwa, tah net akkeleh, axcuk, akah meysitta 'ta digaalah koo digaale.

Yacedkel 28:17 ပူးပေါင်းရင်းမြစ်များ

Yasaqya 25:12

Mooyab mari reebu le aroocay kaxxa gasoosa le bayele. Addigilleleeh, bullaaqet angalele.

Yasaqya 26:5

Kaxxiina leela qaybik qide; ken magaalay nabna luk sugte yiggileh abuuruh tet cabe. YALLI bullaaqet tet yesgelle.

Ermiyaas 8:9

Isin kasloytiitih liton mari qaybit radele. Badit ken abbixeleeh, oflot radelon. Yi qangara cineenim ablehik; amol akak yaniinim, manni'nnah yan kasaay?

Yacedkel 16:41

Buxa kok carriselon; kot takku wayta digaalak agbi asseleeleqele. Tonnal abtah tan dalwa koo cabsiiseyyo. Mareytiitih dalwah mekeltah tan lakqo tonnal koo waysiiseyyo.

Yacedkel 19:12

Yallak naqabuk gexxaamah, bagcarritak suge mari buxuxuk sibba tet heeniih; wonnah baaxot tet qideeni. Bacarih yan rasih kabuk amaatuk sugeh yan caacay xaylo teetik kafissa hee. Tet ludway maqar luk tene bututtukku teetik inte; kafteeh girâ-boco tekke.

Yacedkel 23:48

A namma maqanxak, ‹Isin abten dalwah agbi sin gabbaaqah abaamak, ahaysa dalwa kee dina baaxok akah baata innah abeyyo.

Yacedkel 26:16

Baddi xaqul tan baaxooxah amoytitte dardaarinni koraasih baguk obba 'yeenih, xer-kameswa kee dilwa le sarak katta 'yeenih, baaxok bagul gacelon. Siinit tekkem abaluk kaxxa cunxoh cunxitelon. Xagar keenik axaxoh mayaada.

Yacedkel 27:3

Bad akak culan culmal tan Suur magaalay baddi afal enna 'ya mara lih badaaqat abtahiyyak, yoo YALLAY Mulki lehiyya axcem liyok, waris. Teetik intaamah: Suur magaalay, hidah qax-meqiyo 'yaanam intaah, kaxxam isit takkale.

Yacedkel 27:4

Dabqah baddi-amol tan. Koo xise mari qax-meqe markabih innah koo hee.

Yacedkel 28:15

Uma taamat asse ayrok dumal, akkey ubukku 'tem caalat kok cooca luk masuginna.

Yacedkel 28:2

«Bani-adantow, Suur magaalah malikik intaamah: YALLAY Mulki lehiyya kok iyyaamah, ‹Kaxxiinah qaffuddaah yalla is takkale. «Yalla kinniyooh bad maroh edde yan korsil an» 'yaanam inta. «Kasah Yallih innah an» intaah, Yalla is celsissa'mmay, sahdaytu kinnito ikkal Yalla hinnito.

Yacedkel 28:5

Tellemmol kaadu kaxxa ixxiga luk sugteeh; tohih sabbatah mango fayda geyte. Tohut geyte gaddaliino kaxxam kaxxiina koo bahsisse.

Yacedkel 28:7

racmattak tu sinniih naqboytit kok yakku waa mara kot ruubeyyo. Too mari atu isi ixxiga kee kasal geyte qax-maqaane inkih kok bayselon.

Yacedkel 31:10

«Tonna-leemiik yoo YALLAY Mulki lehiyya iyyaamah, Too caxa dadalah qamburre guftam faxxa hayte. Tembe saaku kaxxiina bahteemih sabbatah,

Yacedkel 32:10

Anu kol baahu waam ummatal hagga akkele. Yi seef ken fan kinisu waa saaku malikwa meysih axaxitele. Celemih elle tan aracak koo kalu waa saaku ken roocih meysi ken abbixele» iyye.

Daaniyel 11:12

Too waqdi woo marak abeh yan iisak gexxaamah kaxxiina baaheleeh; mango alfitte takke qaskar qidele. Takkay immay tohuk wadir iisa geyak maraaqa.