Yacedkel 27:36 - NABUWWA KEE MALIKWA

³⁶ Atu ahaysa gaba kalteeh, mataduura. Baadal enna 'ya limo-aba-mari, Kot tekkem net akkele 'yaanamal nabam meysite› axcuk koh boogisen.»

Yacedkel 27:36 ပူးပေါင်းရင်းမြစ်များ

1 Malikwa 9:8

Away tablen Qibaadah-Qari kaxxa qari'mmay abur akkeleeh; wokkek gitah gaca mari a abur yabalu waa waqdi wariggiteloonuuh, qagabsitelon. ‹YALLI a baaxo kee a Qibaadah-Qaril annah tanim akah baahem macak tan kaa?› axcuk waagiselon.

Ermiyaas 18:16

A baaxo akak meysitan baaxo akkele. Teetit tekkem yabalu waa mari ken sabbatah tet burtele. Gitah teetik xaqu gaceh gexu waa mari ah yable waqdi wariggitele. Ahamal qagabsiteloonuuh, namma xabanal gaba hayya heenih ‹A baaxot tekkem, gibdiimik tanih tan!› axcelon.

Ermiyaas 19:8

Yarusalaam magaala kaxxa baatih bayseyyo. Tet yabalu waa mari teetik akah sakkitta 'ya biyaakah tet biyaakeyyo. Gari akak gaceh gexa mari, «A magaalat tekkem gibdiimih taniimi» akak inxicca 'yan baati teetit abeyyo.

Ermiyaas 49:17

Sarrak YALLI kaadu iyyemii, «Edom bayele. Teetit tekke baati yabalu waa mari wariggiteleeh, ‹A mari bayeh yan› axcelon.

Ermiyaas 50:13

Yi naqbi teetil oobeleeh; tohuk gexxaamah num dabaaqah teetil magaca. Abuuruh raaqele. Xaqu teetik gaceh gexu waa mari teetit tekkem yabalu waa waqdi, wariggiteleeh, ‹Woyyow! A rasut tekkem umaamak tanih tan!› axcelon.

Yacedkel 26:14

Kullum yabbixe mari kullum edde yabbixe sabooka elle hawwalisa xixxooqah tet cabeyyo. Suur nammeyhaak maxissinta. Tahat yabtam yoo YALLAY Mulki lehiyya» iyye.

Yacedkel 26:2

«Bani-adantow, Suur magaalal yan mari akah wallitam macaay intek, kinnim koh warisu waa. Ahaysa, ‹Yarusalaam tiddigiiggilleeh; tellemmoy teetil akkuk tenehiyya gaba kalteh ikkal, gaddaliinoh net mamissowta› 'yaanamah wallitan.

Yacedkel 26:21

Akak aduure wayta finqah koo finqiseyyo. Manoh maraqta. Sinam koo gorrissaamah koo mageyta. Tahat yabtam yoo YALLAY Mulki lehiyya» iyye.

Yacedkel 28:1

YALLIH qangara yol obteeh; yok iyyeemih:

Yacedkel 28:19

Tahaysa baateh, wadiriik koo mageyan. Koo aaxaguk yen baaxooxah mari wariggat yan. Kot tekkem keenit takkeemik meysitan› kaak inxic» iyye.

Xafanya 2:15

Tet addal yan mari kaxxam isit yakkaleeh, tu ken xage waytam yakkaleeni'mmay, takku waytam tamaha. Ken magaalah bis le magaala addunyâ-bagul matanam keenit celta. Tohu immay ken magaala abuuruy alluwwa dabqah lehiyya akkele. Xaqu akak gaceh gexa mari tah yable waqdi, abah yan wariggak gexxaamah hagga axcelon» iyye.