Yacedkel 27:30 - NABUWWA KEE MALIKWA

³⁰ Too mari inkih, siisa amol caxak, weeqeeniih; gombodut yubruken.

Yacedkel 27:30 ပူးပေါင်းရင်းမြစ်များ

2 Samuwel 1:2

Nammayhaytoh ayrok wadiril furraynuh yan awkii, Saawul macaxi mafdagah luk suge aracak, amol siisa heeh rookak gexxaamah sara isik qanxiseh, yemeete. Dawud fanah yemeeteeh kay assakaxxiyyah qansah baaxo xagam fan baaxok bagul qununna 'ye.

Ermiyaas 25:34

Baaxoh abbobtih yan maraw, weeqa boogisa. Rookitaay gombod bagul ubruka. Sin edde yasguudoonu waan uddur yemeeteh. Yasguuden maruwih innah maasayya maasayyah sin kuramkurelon.

Ermiyaas 6:26

YALLI isi marak iyyeemihii: «*Qabuudut gacaay gombod bagul ubruka. Sin bayisu waa num garciik siinit yemeeteh immay, inki baxay luk sugeenihiyya akak rabe xaleena elle weqta'nnal, weeqaay rookita» iyye.

Yacedkel 26:17

Tohuk lakal siinih weeqelon. Weeqah iyyoonu waanamah: ‹Woyyow kaxxa magaala baateh tan. Maraakib badal teetik baye. Badal reeda luk teneeh baddi afal enna 'ya mari teetik cunxo kee meysih rabak yen.

Yoonas 3:6

Nanawê magaalah malik aham yoobbe waqdi, elle suge dardaarinni korsih baguk uguttu 'yeh, edde suge ibak gulub maada kameesik katta 'yeh, *qabuddat gacca 'yeh gombod addat daffee.

Miika 1:10

Miika kaadu qagseh iyyeemih: «Filistiin mari elle yan Gat deqsitta magaalal xaagu mawarsina. Abtan weeqa isinnik able kala. Beetal-qafra deqsitta magaalah maraw, siinit takku waytaamah rookitay gomboduk bagul omborooroka.

1 Samuwel 4:12

Benyam kedoh yooboke numuy woo qeebik yisillimehiyya tokkek arduk, Siilô magaala fan too ayrot edde yemeete. Tekkeemih abeh yan rookah gital sara isik qanxiseh yeneeh, amol kaadu siisa luk yen.