Yacedkel 27:27 - NABUWWA KEE MALIKWA

²⁷ Too ayroy baati kot tekkehiyyal, gadda kee tellemmô-duyyeey, markab beyak suge mara kee, markab seeba maraay, naggarwa kee qaskaraay, raqqa 'ye maray markab addat enna 'yahiyya inkih sute.

Yacedkel 27:27 ပူးပေါင်းရင်းမြစ်များ

Ermiyaas 25:22

Suur kee Sayda deqsitta namma magaalah malikwaay, Maditraaniyah badih dariifal ten malikwaay,

Yacedkel 26:1

Seewah edde nee been taban kee inikhaytoh sanatak naharsi alsat inikhaytoh ayrot, YALLIH qangara yol obteeh; yok iyyeemih:

Yacedkel 26:12

Baaxol luk sugten gaddaliino kee tellemmô duyye siinik beelon. Magaalat maroh tan gasoosa siinik bututtukku heelon. Kaxxa qarwa siinik aggilelon. Woo qarwa edde xisseenih sugten xeet kee cooxuuy raqqa 'te duyye inkih badat qidelon.

Yacedkel 26:14

Kullum yabbixe mari kullum edde yabbixe sabooka elle hawwalisa xixxooqah tet cabeyyo. Suur nammeyhaak maxissinta. Tahat yabtam yoo YALLAY Mulki lehiyya» iyye.

Yacedkel 26:21

Akak aduure wayta finqah koo finqiseyyo. Manoh maraqta. Sinam koo gorrissaamah koo mageyta. Tahat yabtam yoo YALLAY Mulki lehiyya» iyye.

Yacedkel 27:12

«Isbaaniyah rasu lih badaaqat abak ten. Caddo sinni duyyey keenil teylemmehiyyat milaaguh (libaakih), lakqooy biriitaay dingo kee qarar geyak sugte.

Yacedkel 27:22

Saba kee Raqmak yemeete badaaqat-aba-mari kaadu, ko'lih badaaqat abak yenen. Atu tellemmoh keenit kalta duyyet milaaguh, giffa 'ya caxâ-sifa kee limok mangoomuh yan xeet kee dahab koh edde acayuk sugen.

Yacedkel 27:24

Too mari qax-meqe sartan kee diimin bisu le saraay, dilwa le sara kee mango bisu le guulak bicsen fidooy, meqe'nnal qaxen sudaaduc kee akoota kot kalak yenen.

Yacedkel 27:26

Seebit koo beya mari bad fanah koo beeh, ayrô-mawqak yamaateh yan caacay badak gudel butukku koo hee.

Yacedkel 27:28

Ku markabih maray badal gexak sugehiyya badat sute waqdi, abeenih yanin xongolot badak afal tan baaxo axaxisen.

Yacedkel 27:34

A saaku badak addal tiddigilleeh, badak ragid fanah sutte. Badaaqatah beyak sugte duyye kee ku taamat suge mari inkih ko'lih badat bayen.

Yacedkel 28:1

YALLIH qangara yol obteeh; yok iyyeemih:

Yacedkel 28:8

Koo qideloonuuh, adda le badat koo qambiselon; akeera fan gexetto.

Qaamus 1:9

Kaadu qagissa heeh iyyemii, «Aham YALLI iyyaama. ‹Suur magaalal yan mari fiiruk geerah dambi le taama abeenih; tohuk gexxaamah ken digaaleyyom digga le. Israayil mara luk sugen qalla hawweeneenih; magaala kee magaala deraafil tan gaandoodil sugga iyye mara inkih, Edom marih naqoosah xaamiten.

Zakariyya 9:3

Suur magaalah mari isi dacayrih megdeb xisen. Mangah loowo num akak duude waa lakqo kee dahab koboxsiteenih yanin.