Yacedkel 27:10 - NABUWWA KEE MALIKWA

¹⁰ Fursi kee Liidiya kee Liibiyak amma 'ye mari ku qaskarah yenen. Gob kee amot haan birta ku qaskarih aracal daanat yabbixen. A mari, migaq kok fayya haa mara kinni.

Yacedkel 27:10 ပူးပေါင်းရင်းမြစ်များ

1 Aydaad 1:11

Masrik rade mari, Luudaay Qanamaay Lahabaay Naftucuuy

1 Aydaad 1:17

Sem xaylo, Qeelamaay Assuur kee Arfaksadaay, Lud kee Aramaay Quuxuuy, Cuuluuy Geter kee Mesek deqsitak ten.

1 Aydaad 1:8

Caam xaylo, Kuus kee Masriiy, Liibiya kee Kanqaan deqsitak ten.

Yasaqya 66:19

Ken fanat asta hee liyo. Garabak teena keenik wadeyyooh, yi migaaqaay yi nabna kee yi qande elle aaxige waan baaxooxay kulli kabu geytintahiyya fan ken ruubeyyo. Ken ruubu waam, Isbaaniyaay Liibiya kee Liidiyah baaxo. Liidiyah mari nagay gaysê-baxa sahdat elli haa inna yaaxige mara kinni. Wohuk kalah ken ruubu waam, Giriik kee Tuubal kee xer baaxoy baddaafal tanihiyya. Oson yi nabna ta marih addal baxxaqiselon.

Yacedkel 26:17

Tohuk lakal siinih weeqelon. Weeqah iyyoonu waanamah: ‹Woyyow kaxxa magaala baateh tan. Maraakib badal teetik baye. Badal reeda luk teneeh baddi afal enna 'ya mari teetik cunxo kee meysih rabak yen.

Yacedkel 27:11

Arwad deqsita aracak yemeete mari magaalat maroh tan gaso dacrisak yenen. Gammad deqsita aracak yemeete mari amo xer qarway magaala akak dacrisaanahiyyal dacayrih yenen. Isinni goobwa woo gasol takayrut abbaxuk yenen. Qaxa koo teymeeqem, too mara.

Yacedkel 30:5

Too qeebit, Kuus kee Liibiyaay, Liidiyaay Qarab kee Kuub deqsita rasuk kirah baaheenih sugen qaskar rabele. Masri lih bica abe mari too qeebit rabele› 'yaanam inxic» iyye.

Yacedkel 38:5

Fursi kee Kuus kee Fuut rasuk yemeete mari ken lih yan. Too mari inkih gob loonuuh amot dacayrih haan birti-kalabta lon. Koo catoonuh bical yanin.

Daaniyel 5:28

«Baxsa 'yaanamak maqna kaadu: ku doolat baxambaxsinteh Meediya kee Fursih yooboke marah tontocowwe» 'yaanam kaak iyye.

Naacum 3:9

Teebes magaalah mari Kuus kee Masril ackumuk yeneeh; caddo sinni qanxaffe luk yenen. Liibiya kee Fuut doolat qeebil tet qaxat ten.