Yacedkel 26:11 - NABUWWA KEE MALIKWA

¹¹ Faariisat qeebi aba mari magaalak kulli gital ummat seefit qidelon. Kaxxa-kaxxa qamidwa bututtukka heeloonuuh ballaaqeh gacissa heelon.

Yacedkel 26:11 ပူးပေါင်းရင်းမြစ်များ

Yasaqya 26:5

Kaxxiina leela qaybik qide; ken magaalay nabna luk sugte yiggileh abuuruh tet cabe. YALLI bullaaqet tet yesgelle.

Yasaqya 5:28

Gayse kee gaysê-xaylo qeebi edde aboonuh bical tan. Gaysê-xaylo keenik af le. Ken faariisih ibitte gibdah qado-xeetih inna le. Ken faariisa beyta gaariira qaana fuluk haak tamaate.

Ermiyaas 43:13

Taahirik yan xaay xeerihiyyay Helyobbolis deqsitta magaalal yanihiyya bayseleeh, Masri mari yallah le duyye elle yaqbuden qarwa carriselon› keenik inxic» 'yaanam kaak iyye.

Ermiyaas 51:27

«Qaskarey, qeebi qimbissaanamih qalaamatih saro gubaak fayya haa! Baaxo inkih akah taabbe'nnah, *baanta ugura. Baabelon marih qeebih ummat bical haa! Araarat kee Minni kee Askanad doolatak, qeebi qimbisa inxica. Gaadu miraacisu waa gaadi abba haysita. Qeebih faarisik mangah qanayti gid takkem ruuba.

Cabakkuk 1:8

Ken faaris sissikaaneh kabqik laftele. Satqitte suulak aban cunxok fuli cunxo keenik abelon. Faariisa keenik kaqoh fayxih inki aracal mataseehedaay, xukcunoh baaxo dub heele. Qawi tu bukkusam faxa waqdi sissikuk elle yamaate innal, a mari kaadu xer baaxok marin baaxo yabbixe'gidih, faaris xoxbisak amaatelon.