Yacedkel 25:6 - NABUWWA KEE MALIKWA

⁶ YALLAY Mulki lehiyya qagseh Qammon marak iyyaamah: «Farcatak gexxaamah gaba taagureeniih kaqittaanam ubleh. Israayil rasu uma intit tablen.

Yacedkel 25:6 ပူးပေါင်းရင်းမြစ်များ

Ermiyaas 48:27

Mooyab maraw, isin duma Israayil maral af reqeeqisak sugteenim kassa haa. Ken giddinaamat yaabinnaan waqdi, garqot yibbixen marih innah, amo keenil kax haak sugten.

Yacedkel 25:15

YALLAY Mulki lehiyya iyyaamah, «*Filistiin mari, mango dabaanah naqboytiitih keenik sugen Israayil maral, canê gacsah kaxxam umam baaheeniih, keenih lon naqabuh ken seleenih.

Yacedkel 25:3

‹Mulki le YALLIH yab oobbeya› keenik inxic. ‹Yi Qibaadah-Qari nadaasa yekkem siinit temqeh; Israayil rasi bayem siinit temqeh; Yuudâ mari seewah gexam kaxxam siinit temqe.

Yacedkel 36:5

«Yoo YALLAY Mulki lehiyya dariifal tan baaxooxah mara luk naqabut yaabah aniih, axcihiiy Edom lih naqabut yaaba. Yi baaxo been saaku farcatah rabakaay, iyyi maca nek abele 'yaanamah beeniih, saqi elle yaloole arooca isinnih haysiten.

Yacedkel 6:11

YALLAY Mulki lehiyya yok iyyeemih, «Israayil marah gamoomitaay keenih qaad. Israayil mari abe umaaneh kaxxa boogeh boogis. Carbi kee qulul kee dalkah ambaxelon.

Qobadya 1:12

Sin toobokot umam takke saaku, umaanel keenil tasuuleenim sin ceelak mananna. Keenit baati takke waqdi, tafriceenim sin ceelak mananna. Oson gadaamitan waqdi, wadir keenil horrissaanam, sin migaaqak mananna.

Naacum 3:19

Kot yekke mudum, dayla le mudum hinna. Akak urta mudum hinna. Atu abak sugte umaane kee racmatta sinnak yisillime mari maay yan? Mayana. Tonna leemik, ku baati yaabbu waa mari farcatah gaba aagurele.

Xafanya 2:10

Xafanya kaadu iyyeemih, «Mooyab kee Qammon mari elle bayu waam tama'nnaay; too baatih ken bayissam, ken kaxxiina kee YALLAY Nabaamak Nabahiyya doore ummatat aban bura kee xaafu.

Xafanya 2:15

Tet addal yan mari kaxxam isit yakkaleeh, tu ken xage waytam yakkaleeni'mmay, takku waytam tamaha. Ken magaalah bis le magaala addunyâ-bagul matanam keenit celta. Tohu immay ken magaala abuuruy alluwwa dabqah lehiyya akkele. Xaqu akak gaceh gexa mari tah yable waqdi, abah yan wariggak gexxaamah hagga axcelon» iyye.

Xafanya 2:8

YALLAY Nabaamak Nabahiyya iyyaamah, «Mooyab kee Qammon deqsitta kedoh yooboke mari ummat yok xaafaah; oson anqibinnaanim iyyaanam keenik aabbeh an. ‹Baaxo siinik beenno› axcuk keenil tirtirisan.