Yacedkel 24:6 - NABUWWA KEE MALIKWA

⁶ «YALLAY Mulki lehiyya iyyaamah, ‹Sahda qida marih magaala baateh; dicil baahek sah akak duugume waa distih gide tekkeh tan. Tet addal cado awqa-awqah beeloonuuh tu macaban.

Yacedkel 24:6 ပူးပေါင်းရင်းမြစ်များ

2 Samuwel 8:2

Tohuk lakal kaadu Mooyab marak yeyseh. Sarrak carbit yibbixe mara baaxok bagul deerih ken hayya heeh, akatal ken kiyassa heeh, sidoc-sidoc yakke marih addak namma-namma num keenik beyak ken qide. Tohuk wadir Mooyab-mari kay gabat gaceh, gabbara kaah acayuk yenen.

2 Malikwa 21:16

Manasse, Yuudah-ummatta Yallih-gita cabba hayteh YALLAL dambi lem baahaanamat asise. Too dambik kalah kaadu ossotinah, Yarusalaam-gitittel qabal weeqi innah caxitam fan mango masaakiinay tu baahe wayte qide.

2 Malikwa 24:3

Tah YALLIH fayxih tekkeemiiy; YALLI, Manasse abe dambi kee, axcihiiy, tu baahe wee marat abe qidiyyak gexxaamah, YALLI Yuudâ-mara isi garik xiiriyeh. YALLI, Manasseh too dambi macabinna.

Ermiyaas 2:22

Edde asseenih tanin dambik faxeemit kaqaltan way mataahirrowtan. Abten dambih wasak, faxe saabunut kaqaltaanamah, sin macaba. Abten dambih nadaysa uxih yi garil tan. Tahat yabtam yoo YALLAY mulki lehiyya.

Ermiyaas 6:29

Yi mari girat laqlaqan birtay diyaaye cineeh, wasak akak kate cinehiyyah bis lon.

Yacedkel 11:11

Buutit tan cado girak nagay elle raqta innal, a magaala siinih reebu matakka. Israayil cuduudul sin digaaleyyo.

Yacedkel 11:3

«Oson iyyaanamah, ‹Qarwa xisan wakti uxih maamaatinna. Yarusalaam maaqo elle alaysan buutih gideey; nanu tet addal tan cadoh bis lino. Takkay immay buuti akim raqatuh girak reebu neh akkele› iyyan.

Yacedkel 22:12

Ku addal yan marak garab, lakqo akah ucuyya haan waqdi, qida iyyen mara qida. Marak garab abuuduh yeceeh yan lakqot gacsal ossotina faxa. Isinni cuggaaneh lakqo dulmih beyan. Ku mari yoo hawweeneh yan. Tahat yabtam, yoo YALLAY Mulki lehiyya› teetik inxic.

Yacedkel 22:2

«Bani-adantow, a sahda qida mari kibuk elle yan Yarusalaam magaalal cokmi ab. Cokmih tuk teena teetik inxic. Is abba hayte umam-yabuli teetih waris.

Yacedkel 22:27

Israayil abbobti, barugi amol tongoorowe suulay mariiy kabuk akak yakmeh innah abitan. Gita maleh gaddalitaanamih fayxih sahda qidan.

Yacedkel 22:3

Teetik intaamah: YALLAY Mulki lehiyya kok iyyaamah, ‹Isi marak mangom qiddeeh; xeet kee cooxuk bicsen duyyeh qibaadat isi nabsi nadaasa abteemih sabbatah, edde baatu wayta wakti xayyooweh.

Yacedkel 24:3

Ama yi maray yabti cina lehiyyah a yab ceelalloh waris. Keenik intaamah, YALLAY Mulki lehiyya siinik iyyaamah: ‹Buuti leek kibba haay giral xik.

Yacedkel 24:9

«YALLAY Mulki lehiyya iyyeemih, ‹Biileenit magaalay, kot takku waytam abletto. Gira edde urussa boco anu innih baaheyyok,

Ayyuqel 3:3

Yi maray seewah orbiseenihiyyal saami caxxa qiden. Lih xiinen xiiqareh xiina kee yooqoben kamrih, meklah, yi marih xaylok say urru kee lab urru racmatta sinnuk yeceen» iyye.

Qobadya 1:11

Naqboytit magaalak afa keenik iggillaay, saami caxxa tet addal sugga 'teemil qidak, too duyye weerra heeh keenik bee saaku, isin allak asseleelequk raqten. Naqboytit innal sugten.

Yoonas 1:7

Sarrak baddi mari, «A qawwalayla net akah takkem faxxaamih sabab naaxige'gidih, saami caxxa qidnay» tittak iyyen. Saami caxxa qiden waqdi, woo saami caxxi Yoonasal yewqe.

Miika 7:2

Baaxô-bagul yaaminen num maraaqinna. Yallal imaan haa num mayana. Num numtin qidimih raarisa. Kulli num isi baaxoh numuh alluwwah innah admoh gexa.

Naacum 3:1

Sahda elle qidan magaalay, woyyow kot takku waytaamow! Deedalat elle yaaban magaalay, woyyow kot takku waytaamow! Mango duyyey buubtehiyya kot tanih; kok buubelon.

Naacum 3:10

Toh teetih xiqtem maliiy; ellecabol too magaalah mara seewah marin baaxo been. Tet xaylo xaal tafaqqa heenih, baaxot qiden. Teetil abbobtih suge mara silsilatat axuyya heenih beeniih, ken seewah bee mari saami caxxa keenil qide.

Yoosuwa 10:22

Yoosuwa, «Gexay woo gablah afat yan xaa kalla haay woo koona malikiy wokket yanihiyya eyyeeqay yol baaha» iyye.