Yacedkel 24:12 - NABUWWA KEE MALIKWA

¹² Abba heen taqabi foyya yakkeeh, tet wasak girat kinni-way makatinna. Tet kee teetil yan dicil girat qid!

Yacedkel 24:12 ပူးပေါင်းရင်းမြစ်များ

Yasaqya 1:5

Yalli faxe waamak macah aade waytan? Uxih digaalak macayyinnitoonuu? Moyya siinik uxih bakaq leeh; afqado kee misinkaca ahaydumah siinik muurinna.

Yasaqya 47:13

Siinih yeceen *fayi, boola akke waytek, siinih xiqem mali. Ku cutuuka-beya siinih temeeteh sin waddek, ablenno. Cutuuka wagta mari xiqam siinih yellek, ablenno. Cutuuka-beya qaran fanah wagga haanaah, too waqdi ‹Woo alsat woh akkele; a alsat ah akkele› 'yaanam iyyan. Sin cutuk-beya siinit takku waytaamak sin cattek, ablenno.

Ermiyaas 13:27

Anu innih niqbiyom abah sin uble. Barril, koomaamih amol duyye aqbudih sin uble. Too duyye elle aninnaan ikke, cuggayti barrah dalwah kuula num elle kuula'nnal, isin kaadu too duyye taqbudeeni'gidih too duyye elle aninnaan ikke lakal gexxan. Danan oklô-lakal nikloh elle yarde'nnal, too duyyeh lakal tarden. Yarusalaam maraw, edde taniinim baatik, taahirrowtoonu waytaanam maa saaku?» 'yaanam siinik iyye.

Ermiyaas 2:13

Macaay inteenik, yi mari namma dambit aseh yan. Yooy banaadantu bakaarak waddaah sila le lee bisu lehiyya cabba heenih lee addal akak salale wayta dorwah dagot gacen. Tah intam yoo YALLA.

Ermiyaas 5:3

YALLAW, atu faxxam, yaaminen maray atu faxxaamak amot tu hee waahiyya. Ken biyaakisseh immay tuh maballon; digaala keenil oobisseh immay kas akak magennon. Yab yaabbeeh dambik yaduure mara hinnon; afqado keenik xeet tekke.

Ermiyaas 51:58

YALLAY Nabaamak Nabahiyya iyyemii, «Baabelon magaalat maroh tan kaxxa gasoosa addigillele. Baabelon magaala akak culan kaxxa afoofit gira ruubelon. Tonna leemiik ummatta edde taqabba 'tem foyya akkele. Edde cawalak bicissa heenim, girâ-gadda keenik akkele» iyye.

Ermiyaas 6:29

Yi mari girat laqlaqan birtay diyaaye cineeh, wasak akak kate cinehiyyah bis lon.

Ermiyaas 9:5

Kataysa kataysa siinik ganaah, nummat num siinik mayaaba. Arraaba dirab siinik baritte; abtan dambik mataduuran. Naharsi umaaneh lakal, gersi umaane abtan. Yoo aaxige cinteenih» 'yaanam keenik iyye.

Yacedkel 24:13

Yarusalaamey, atu abte caraami nadaasa koo abe. Taahirik koo haam faxeh immay nadaasak taduuru cinteh. Ahaysa yi naqbi le'nna able'kal, nadaasak mataahirrowta.

Yacedkel 24:6

«YALLAY Mulki lehiyya iyyaamah, ‹Sahda qida marih magaala baateh; dicil baahek sah akak duugume waa distih gide tekkeh tan. Tet addal cado awqa-awqah beeloonuuh tu macaban.

Hosiqa 12:1

Israayil mari, maaci maacissiy bari tikka 'yam fanah, baatik sah keenih xiqtam alle waytaamat asan. Titta ganaanam kee umaane tittal baahaanam qaada keenik tekke. Masri kee Assuuriyah mara lih bica haysiten» iyye.

Cabakkuk 2:13

Sinam foyyah taqabta. Oson abba heenim inkih girâ-gadda takke. Ah absissem, YALLAY Nabaamak Nabahiyya.