Yacedkel 24:11 - NABUWWA KEE MALIKWA

¹¹ Too waqdi nadaasa akak diyaytuh, bagul akak suge dicil akak carara'gidih, woo nacaasak bicsen buutiy addal tu sinni giral xik. Qassowwa 'yam fanah laqay inxic.

Yacedkel 24:11 ပူးပေါင်းရင်းမြစ်များ

Yasaqya 1:25

Amah siinit macabaay, liton nadaasak sin kaqliseyyo. Saabunut kaqlisen saroh innah nadaafatah sin heeyyo.

Yasaqya 27:9

Tonnal dambi keenik katele. Israayil mari edde ase umaanek qafu geen saaku aham akkele: sadgatah xeetik bicsen mansaf, bardak bicsen xisneh innah, iggilla heelon; riira akkele. Aseeral yaaxigen gurmuuday qibaada akah abak sugeeni, qaydarus elle ruuban mansaf soolak maraaqa; bayele'kkal.

Yasaqya 4:4

YALLI isi qandet ummattal mekleleeh; gira birta akah taahirroysa'nna ken taahirroysele. Yarusalaam-agbi le sakkik tan taamak keenik taahirroyseleeh; Yarusalaamal caxita qabalak tet kaqlisele.

Ermiyaas 21:10

A magaala cabam mafaxay baysam faxa. Baabelon malikih gabat tet bayseyyo. Too malik carrissaay gomboduh gacissa tet heele. Tahat yabtam yoo YALLA› 'yaanam iyye» keenik exce.

Ermiyaas 32:29

gira teetit ruubelon. Yarusalaam magaalal yan mari Baqal akak iyyaanam aqbuduk sugen. Tohumuy yaqbudeenihiyyah qibaadah, isinni qarwah amol qaydarus qeerisak sugen. Yallah lon duyyeeyah kaadu qibaada abak sugeeniih, too qibaadah sadgatah qinabak bicsen kamri bahha heenih faaroh caxak sugen. Tohum yot naqabu culusse. Tohuk gexxaamah Baabelon-malik kee kay qaskar too qarwa akah cararissa'nnah abeyyo.

Ermiyaas 37:10

Inkih tan Baabelon-qaskaray qeebi kot abtu waytahiyyak qeebil tayseemih; siraq addat xaaguqal raaqinnaan num takke way tet abbixeleeh gira teetit ruubele› kaak inxic» iyye.

Ermiyaas 38:18

Woh hinna'mmay atu gaba acee waytek, a magaala Baabelon-malikih gabal gacele. Too mari gira teetit ruubele. Atu kaadu elle taawwe kabu mageyta› 'yaanam kok iyye» kaak iyye.

Ermiyaas 39:8

Too ayrot Baabelon mari, malik qari kee raqqa 'te ummatih qarwat inkih gira ruuben. Yarusalaamat maroh sugte gidaarwa inkih bututtukku heen.

Ermiyaas 52:13

Too waqdi YALLIH-Qibaadah-Qari kee, malik-qari kee, kaxxa-marih-qarwat inkih gira ruube. Meqe xisne le aroocat inkih gira ruube.

Yacedkel 20:38

Yi yab cinaah anu axcem abe waa mara sin fanak ayyaaqeyyo. Away elle yanin baaxok ken ayyaaqeyyo'mmay, ahaysa Israayil rasu aduuri ken maha. Too saaku YALLA kinniyom yok aaxigetton› 'yaanam iyye.»

Yacedkel 24:10

atu woo boco girat qiday uyburruc. Cado alas; maragi akak caxâ-sifat tamu eymeq. Lafa akak cararis.

Yacedkel 36:25

Xeet kee cooxuk bicsen duyyey aqbuduk sugteenihiyyah nadaasak taahirrowtaana'gidih, taahirik tan leet sin rifeyyo. Liton nadaasak sin kaqliseyyo.

Malaaki 4:1

«Yoo YALLAY Nabaamak Nabahiyya axceemih: Too ayroy gaba qidu waahiyya gexot tan. Too ayro kaxxiina leela kee uma-taama leela caffayti innah girat carrelon. Too ayro too mari cararra 'yeenih tu keenik maraqta.