Yacedkel 23:30 - NABUWWA KEE MALIKWA

³⁰ Dalwa fayxi kee abteh tan xiiqareh xinto, amahah koo tecee. Kulli baaxoh mari tu edde faxa kacba tekkeeh; xeet kee cooxuk bicsen duyyeh qibaadat nadaasa is abte.

Yacedkel 23:30 ပူးပေါင်းရင်းမြစ်များ

Yacedkel 23:7

Ohola Assuuriyah marak inkih mareytá tekkeeh; tet dalwa, Assuuriyah mari xeet kee cooxuk bicissa hee duyyey yaqbudeenihiyya ken lih taqbudeemit, tet asisse. Toh kaadu, isi nabsi nadaasa abaanamih gadda tet abte.

Yacedkel 6:9

Seewah ken been baaxol anelon. Too saaku yoo kassa heelon. Too waqdi ken akah digaaleeh qaybik ken akah qidem, ken kalbiy gano lehiyya ubleeh, yoo cabba heenih xeet kee coox yaqbudeenim keenik ubleemih sabbat kinnim aaxigelon. Isinnih aben umaane kee, qaybik taniimiy edde sugeenihiyyak gexxaamah, isinni nabsi anqibelon.

Xafanya 3:1

Xafanya iyyeemih, «Yarusalaam magaala yabti cina leeh, tutlukeeh, isi ummatat xukkuttah immay baati teetit akkele!