Yacedkel 22:9 - NABUWWA KEE MALIKWA

⁹ Yarusalaamey, ku addal yan marak garab, sahda qidsiisa'gidih diraabat yaaba. Marak garab kaadu xeet kee cooxuk bicsen duyyeh sadgatah qiden saqih cado yakmen. Marak garab dalwah abtot agxita.

Yacedkel 22:9 ပူးပေါင်းရင်းမြစ်များ

Ermiyaas 6:28

Birti gide ikkal, yab moyyat akak cula mara hinnon. Taama akak toome mara kinnon. Elle meekitaanamal, sinam-migaq baysan.

Ermiyaas 9:4

«Tonna'mmay yaaminen toobokoyti siinit ane waamih sabbatah, kataysa kataysat siinik dacayrih gaca. Toobokoyti toobokoytat gano siinik aba; kataysa kataysa siinik camitaah deedal kaal haa.

Yacedkel 11:6

A magaalah addal mango mara qiddeeniih; isin qidden marih raysi magaalâ gitittel kibuk yan.

Yacedkel 16:43

Qunxuk ten saaku koo elle abbaxuk suge inna hawwenteh. Abteh tan uma taamak gexxaamah, naqbi yot hee. Tonna-leemiik abba hayte umaaneh akah diggalsinta innah kok abe. Abba hayte uma-taama koo maxiqinnay, wadir dalwa edde osisse. Tahat yabtam yoo YALLAY Mulki lehiyya» iyye.

Yacedkel 18:11

isi abba abe weem abeeh, xeet kee coox elle yaqbuden aracal sadgatah qidan duyyeh cado yokmeeh, marin agabut fido faxeeh,

Yacedkel 18:15

Israayil mari yaqbude duyyey gabat bicseenihiyya aqbude weeh, woo duyyeh qibaadah heen aroocal yasguuden saqih cado akme weeh, marin agabut fido faxe weeh,

Yacedkel 18:6

Israayil mari yaqbude xeet kee cooxuk bicsen duyye mayaqbuda. Woo duyye elle yaqbudeeni'gidih heen aroocal, sadgatah yusguuden saqih cado mayakma. Marin agabut fido mafaxa; wasaktut tan barrat fido mafaxa.

Yacedkel 23:29

Too mari koo niqbaamih sabbatah, atu edde taamitta 'teemiy isi cawalal geytehiyya kok beeloonuuh, foyyal koo cabelon. Xiiqareh xiinah innah, qasunuk koo cabelon.

Yacedkel 24:13

Yarusalaamey, atu abte caraami nadaasa koo abe. Taahirik koo haam faxeh immay nadaasak taduuru cinteh. Ahaysa yi naqbi le'nna able'kal, nadaasak mataahirrowta.

Hosiqa 4:10

Maaqo geettoonu'mmay, qulul sin macaba. Xalay fayxih, gabak bicsen duyyey yallah litoonuhiyyah qibaadah aracal dalwa abak sugteeni'mmay, xalay mageytan. Macaay inteenik, yoo cabba hayteenih yalla axcuk duyyeeya tuqbuden» iyye.

Hosiqa 4:14

Tohuh, anu ahah ken madigaala. Macaay inteenik, isin isinnih qibaadah qarih addal xiiqareh-xiina lih xintaanah, tonnah kaadu, ken lih gabak bicsen xeet kee cooxuh sadgat abtan. Missilah, ‹Hawri sinni mari finqitah› 'yaanam tan. Toh numma.

Hosiqa 4:2

Xagana akah culeenim maduudusan. Diraabat yaaban. Sahda qidan. Garqa abaanah dalwat asan. Biili biiluk yembeggeh. Sahda kulli ayro titta qidak assa.

Hosiqa 6:9

Seeka, siftay sinam qidimih raarissa tekke. Seekem magaala fan beya gitih addal kinni way sahda qidan. Makkook kaxxa umaane aban.

Hosiqa 7:4

Ummat inkih makô-mara tekkeeh, yaamineenim cabteh. Oson, gaqambo elle alaysaana'gidih yoskonoonocen giray barge waytahiyyah bis lon.

Malaaki 3:5

YALLAY Nabaamak Nabahiyya iyyeemih, «Anu sin mekla'gidih sin adda amaateyyo. Amaate saaku baab abaah, dalwa abaah, diraabah sumaaqitaah, taamâ-marah cawal kalitaah, gubun kee qayxiixaa kee allî-baaxoh maray ken addal yanit xukkuta maral inkih ackumeyyo. Too mari inkih, yok meysite waa mara.

Makaabon 20:6

Sarra tet ginaada beeh irgiggiqqa heeh Israayil mari elle eneyya 'ya ikke exxa-exxa keenih ruube. A umaane abe mari, uma-taamay caraamak tanihiyya ni addal abe mara kinnon.

1 Samuwel 24:10

Koo qidam faxaamal away a gablah addat YALLI yi gabal koo heeh suge. Yi marak garab, ‹Taway kaa qid› yok iyyeeni'mmay afqado yok xiqtu cinteeh, ‹Anu inni amoyta maqida. YALLI doore amoytal qidimih gaba maruuba› keenik exce.