Yacedkel 22:4 - NABUWWA KEE MALIKWA

⁴ Sahdat abte qidimik gexxaamah, umeena tekke. Xeet kee cooxuk bicisse duyyey taqbudehiyyah sabbatah, nadaasa is abte. Tonna-leemiik edde baatu wayta wakti xayih. Inkinnah kaxxam xayi. Tohih sabbatah baadal tan ummatta kee doolat elle anqassa sahdayto koo abeyyo.

Yacedkel 22:4 ပူးပေါင်းရင်းမြစ်များ

1 Malikwa 9:7

tonnal a baaxoy anu doore ummattah tan Israayilih ecee sugehiyyak sin ayyaaqeyyo. A Qibaadah Qariy yoo elle taqbudeeni'gidih taahirroyse baaqid luk maraaqa. Israayil ummatta, kulli ikkek yamaate mari elle anqaasah burtan mara akkelon.

2 Malikwa 21:16

Manasse, Yuudah-ummatta Yallih-gita cabba hayteh YALLAL dambi lem baahaanamat asise. Too dambik kalah kaadu ossotinah, Yarusalaam-gitittel qabal weeqi innah caxitam fan mango masaakiinay tu baahe wayte qide.

2 Aydaad 7:20

tonnal a baaxoy anu doore ummattah tan Israayilih ecee sugehiyyak sin ayyaaqeyyo. A Qibaadah Qariy yoo elle taqbudeeni'gidih taahirroysehiyya baaqid luk maraaqa. Kulli mari a qari yabloonu waan waqdi, anqaasah elle rabeloonuh, burtelon.

Ermiyaas 18:16

A baaxo akak meysitan baaxo akkele. Teetit tekkem yabalu waa mari ken sabbatah tet burtele. Gitah teetik xaqu gaceh gexu waa mari ah yable waqdi wariggitele. Ahamal qagabsiteloonuuh, namma xabanal gaba hayya heenih ‹A baaxot tekkem, gibdiimik tanih tan!› axcelon.

Ermiyaas 24:9

Baadal enna 'ya mari keenit tekkem yaabbu waa waqdi, kaxxa wariggah wariggitelon. Sinam elle tasuule mara ken abeyyo. Anu ken baadisu waa baaxol, sinam ken migaq xagak gersi mara bursutele. Titta abaara mari, «Woo marat tekkem siinit takkay» axcuk abaaroh ken haysiteloonuh, keenit tekkem missila akkele.

Ermiyaas 44:8

Ama Masri rasuy elle taniinihiyyal, gabak bicissen duyye akah taqbudeeniih, sadgat too duyyeh migaaqal akah abtaanam macaay?› keenik inxicey. ‹Ta duyyeh abtan sadgatat, isinni nabsi akah bayissaanaah, ilaaqaanaah ces akak iyyan mara akah takkeenim macaay?› keenik inxicey.

Yacedkel 16:57

Abte umaane kok qaddowtaamak dumal, keenil asaaluk sugte. A saaku atu kaadu miduh elle yasuulen sahdaytó tekke. Edom kee Filistiin mari elle yasuulem koo. Ku deraafil yan mari koo bursuta.

Yacedkel 21:28

«Bani-adantow, takku waytaamat yab. Ama Israayil mara xaafa Qammon marak, yoo YALLAY Mulki lehiyya axcem, keenih waris. ‹Baysa seef bical yan! Qiduuy cankaxi innah bixiq iyyuh, kaa duugeenih yanin.

Yacedkel 22:2

«Bani-adantow, a sahda qida mari kibuk elle yan Yarusalaam magaalal cokmi ab. Cokmih tuk teena teetik inxic. Is abba hayte umam-yabuli teetih waris.

Yacedkel 23:32

YALLAY Mulki lehiyya iyyeemih, «Ku maqanxa akak tooqobe kobbaayak aaqubetto. Too kobbaaya, nabna kee adda le kobbaayay kibuk tanih tani; tonna-leemiik ummat kaxxa anqas kee digirih koo haysitele.

Yacedkel 23:7

Ohola Assuuriyah marak inkih mareytá tekkeeh; tet dalwa, Assuuriyah mari xeet kee cooxuk bicissa hee duyyey yaqbudeenihiyya ken lih taqbudeemit, tet asisse. Toh kaadu, isi nabsi nadaasa abaanamih gadda tet abte.

Yacedkel 24:7

A magaalah addal sahda qidaanam temeggeh tan. Takkay immay qidan marih qabal elle caxitam, ballaaqet elle buuluma arac hinna. Elle caxitam xixxaqak bagu.

Yacedkel 24:8

Too qabal tokkel elle yanay exceh an. Yanay akah axcem, a qabala able waqdi naqbi yot haa'gidi› iyye.

Yacedkel 36:15

Tahak wadir a baaxo ummat makot mabeytaay; sahda anqaasah elle rabtaah, ummat burah af elle raqeeqissa baaxo matakka. Tahat yabtam yoo YALLAY Mulki lehiyya» iyye.

Daaniyel 9:16

Nanu bahne dambi kee ni kaxxa abbobti abak sugte umaanek gexxaamah, Yarusalaam magaalak cuggaaneh yan mari Yarusalaam kee ku ummatta bursuteh. Goytaw, duma kulliimik nee catak sugte. Uxih Yarusalaam magaalah maral ahaysa isi kaxxa bagcarra xabbacos. Yarusalaam ku magaala. Is ku qaley taahirik tanihiyya kinni.