Yacedkel 22:27 - NABUWWA KEE MALIKWA

²⁷ Israayil abbobti, barugi amol tongoorowe suulay mariiy kabuk akak yakmeh innah abitan. Gita maleh gaddalitaanamih fayxih sahda qidan.

Yacedkel 22:27 ပူးပေါင်းရင်းမြစ်များ

2 Aydaad 36:14

Tohuk kalah kaadu, Yuudah abbobti kee seekah abbobti Yalla cinna hayteh, cuggaaneh keenik yan mari edde ase umâ-yabulih-tan-taama inkih kataateeniih, xeet kee cooxuk bicsen duyyeeyah qibaadat gacen. YALLI isih taahir abe Qibaadah-Qari nadaasa aben.

Yasaqya 1:23

Ku addal abbobtih yan mari qamallitte yekkeeniih, siftâ-kataysiisih yanin. Oson kulli way guqul yakmeeniih, cokmi-aracal qayxiixah le cakki mayaaxigaanaay; gubuunut tekkeemih adda mawagtan.

Ermiyaas 34:19

Yarusalaam magaalah abbobtih yan mara kee Yuudah-abbobtiiy, malik qaril abbootan le maraay, seeka kee inkih yan ayyuntak toh abu waama.

Ermiyaas 41:7

Oson Mixfâ-magaala yemeeten waqdi, Ismaaqil kee kaa'lih suge mari, a marat kaadu qeebi abeeh ken qideeh, lafa keenik birkat addat qiden.

Ermiyaas 5:6

Ta umaanek gexxaamah, garboh addak tewqe lubookah gadda akkelon. Bacaril tan suula ken kitittifele. Kabqi oson elle yanin magaaloolih dariifal ilaalisak suggu 'yeh; yawqen waqdi ken kitittifele. Toh keenit akah takku waytam, aban dambi keenik yemeggeh. Ayrok ayro uma taamat qagitak maacisan.

Yacedkel 13:19

Inki gaba kibe wayta gabru deqsitta daro akke kee, hinnay kaadu, gaqamboytâ-rike geytaana'gidih, sahdak foocal qaybik yoo qiddan. Yi maray sin yab numma yakkaleenihiyyal dirab acayuk, rabi akah aguude waa mara qiddaanaah, rabi akah yaguude mara cabtaanah. Tonnal qaybik yoo qiddan› siinik iyya» iyye.

Yacedkel 22:13

«Yarusalaamey, sahdat abta bukko kee qidiyyah abeh an naqabuk gexxaamah, gaba kol heeyyo.

Yacedkel 22:25

Too baaxol tan abbobti, qiden saqih amol garadda lubookah bis lon. Ummatta uma qidimih qiden. Lakqo yellekiiy duyye yellek, keenit macabaanay keenik beyaanah. Oson sahdat aban qidimih, mango agbi gubuunuh raaqe.

Yacedkel 22:3

Teetik intaamah: YALLAY Mulki lehiyya kok iyyaamah, ‹Isi marak mangom qiddeeh; xeet kee cooxuk bicsen duyyeh qibaadat isi nabsi nadaasa abteemih sabbatah, edde baatu wayta wakti xayyooweh.

Yacedkel 22:6

Israayil abbobtiy ku addal tanihiyya, abbootan loonum isinnik abaluk, ummat qidan.

Yacedkel 33:31

Yi mari atu keenik intaamih ankacsah kol kobxan; elle daffeyan. Takkay immay atu aba keenik intam maaban. Atu edde yabta yab kicnoonum ceelan. Takkay immay lon inti-xeera macaban.

Yacedkel 34:3

Can naktaanaah, illi xagooruk bicsen sarat gactaanaah; ariiqo bahsiisen illi doorru hayteenih takmen. Takkay immay illi madacrissan.

Yacedkel 36:12

Yi Israayilih ummatey, sin baaxo fanah sin gacseyyo. Tahaysa ta baaxo sin ikoyta akkeleeh, xaylo siinik rabi mahayta» iyye.

Yacedkel 45:8

Too baaxo Israayil abba yakku waa numih ikoyta akkele. Too baaxok taturra 'yeh Israayil marih baaxo maxaga. Keenit maxukkuta.

Yacedkel 45:9

YALLAY Mulki lehiyya iyyeemih, «Israayil abbobtiy, isin mango dambit assen. Ahaysa sinaamal baatil baahaanam kee xukkutaanam cabtaanama. Cakki kee qadlih tanim aba. Tahak wadir yi mara le baaxok ayyaaqe waytaanama. Tahat sin lih yabtam yoo YALLAY Mulki lehiyya.

Yacedkel 46:18

Baaxoh-abba ummat-baaxo ummatak bee waama. Ken baaxok ken xiiriye waama. Isi xayloh baaxo yeceem faxek, isi baaxok yeceemi. Yi marat xukkute waama» iyye.

Miika 7:8

Yarusalaam mari iyyeemih, «Naqboytit nel akah tirtirissam mali. Boolatneh sugne'mmay, YALLI boola nee cabsiisele. Away diteh addat nani'mmay, YALLI noori nel oobisele.

Cabakkuk 2:9

Woyyow siinit takku waytaamow! Dirkih sahdak beyten duyyet gaddalitak sugten. Dabaaqat tu siinik takkeemik dacayri takke'gidih, kaxxa qarwa megdeb innal bicissen.

Xafanya 3:3

Tet addal tan doolatat taamitta abbobti, qulule lubaakih innah, baaxo meekitan. Tet addal tan cokmi abeenit, maaci edde maacise barugak cayye wayte suulah innah gacan.