Yacedkel 22:20 - NABUWWA KEE MALIKWA

²⁰ Lakqooy nacaas kee birta yasiffiyeeni'gidih girat akah diyaayisan innah, yi bagcarra tonnal sin diyaayisele.

Yacedkel 22:20 ပူးပေါင်းရင်းမြစ်များ

Yasaqya 1:25

Amah siinit macabaay, liton nadaasak sin kaqliseyyo. Saabunut kaqlisen saroh innah nadaafatah sin heeyyo.

Yasaqya 54:16

Gabâ-birta bicsa mara tuklukem yoo; silaacat sinam qidda qaskar gintem yoo.

Ermiyaas 4:20

Naharsi balah lakal gersi bala ciggiltah tan. Inkih yan rasi abuuruh raaqu waah yan. Sirooqa nek, nanu cube'kal nan way, foyya nek aboonu waanah yanin. Goli sara qanxixxisoonu nek waanah yanin.

Ermiyaas 8:13

YALLI qagseh iyyemii, «Sahdayti tooboke daro elle gaaboysa'nnal, inni mara gaaboysam faxa. Takkay immay qinab-caxay xaylo xale wayta yekken. Sublay xalay wayteeh, ayyuufi akak kafe yekken. Tonna leemiik allak yemeete marih gabal ken heeyyo» 'yaanam iyye.

Yacedkel 22:19

Tonna-leemiik keenik intaamah: YALLAY Mulki lehiyya siinik iyyaamah, ‹Tu xiqe sinni duyyeh gideh yol taniinik, takkeenimik sittat Yarusalaam fan sin baaheyyo.

Yacedkel 22:21

Gaabossa sin heeh inni naqabu siinil oobiseyyooh, magaalah addal elle sin carriseyyo.

Yacedkel 22:31

Tonna-leemiik, abeh an bagcarra keenil oobiseyyo. Abba heen umaanek gexxaamah, inni balat ken bayseyyo. Tahat yabtem yoo YALLAY Mulki lehiyya» iyye.

Yacedkel 24:13

Yarusalaamey, atu abte caraami nadaasa koo abe. Taahirik koo haam faxeh immay nadaasak taduuru cinteh. Ahaysa yi naqbi le'nna able'kal, nadaasak mataahirrowta.

Yacedkel 36:18

Isinni baaxoh addal, sahdat abak sugen qidiyya kee, xeet kee cooxuk bicsen duyyeeyah aban qibaadah sabbatah, yi naqbi le'nna yabloonay ken exce.

Hosiqa 8:10

Tonna'mmay ta saaku yakkeenimik gaabossa ken heeh, ken digaaleyyo. Assuuriyah malik keenit xukkutu waa saaku, keenit yakkeh yan biyaakah iihiselon.