Yacedkel 22:14 - NABUWWA KEE MALIKWA

¹⁴ Anu koo digaalu waa saaku gaba yot maay gacsetto? Tahat yabtam yoo YALLAY Mulki lehiyya; excem duudusa Dagelta kinniyo.

Yacedkel 22:14 ပူးပေါင်းရင်းမြစ်များ

Yasaqya 28:22

Ahaysa anqas tayseedeenimi. Cinna hayteenik, axawah edde tanin silsilat kiriqqa siinil heelon. YALLAY Dagelta kinnih, Nabaamak Nabahiyya siinil oobisu waa baati siinil yuckumem yoh warseh yani'mmay, anqas cabtaanam siinih tayse.

Yasaqya 31:3

Tonna'mmay Masri mari sinaamak kaxxih sahda ikkal, Yalla hinnoonum taaxigeenimi. Oson lon faaris, gersi faariisak kaxxih akak yaniinim, cado kee xagara ikkal, malayka hinnon. YALLI gaba siinil qidu waa saaku, cato elle essertan mara kee cato essera marak inkih baati sin qambaltam ixiga.

Yasaqya 45:9

Gabak bicsen buuti, kaa bicse num giddiyam duudaa? «Yoo bicse num yaaxigem mali» iyyam bictaa? Toh bictam hinna. Hay toh bictam akke waytek, is gine Dagelta lih daqwat aba numow, kum tekkem ixig.

Ermiyaas 13:21

Kataysis takkalen maray qalla lih litoonuhiyya siinik iysiissa heeh, amol siinik heek, maca abetton? Biyaakah lacawat tan barrah innah gacettoonum taaxigeenimi.

Yacedkel 17:24

Baaxol yan coox inkih YALLA kinniyom yok aaxigele. Xer caxa targiqeeh; ux caxa tayxeerem yoo. Anxaxinuk sugte caxa kafsaah; kafinuk sugte caxa anxaxxoosem yoo. Tahat yabtam yoo YALLA. Abeyyo excem aba Dagelta kinniyo» iyye.

Yacedkel 21:7

‹Macaay akah gomomtaah tu edde toome num akah celtam?› kok iyyan waqdi, keenik intaamah, ‹Tu edde toome num akah ceelam, sarra yamaatu waa uma xaagih sabbata› keenik inxic. Woo xaagi yamaatu waa saaku, afqado keenik cunxoh dub axcele. Gaba keenik axaxitele. Niyâ xiglo ken abbixeleeh, gulub keenik kadiidimitele. Wakti xayyooweh yaniih xayuk akkele. Tahat yabtam yoo YALLAY Mulki lehiyya» iyye.

Yacedkel 23:34

Fuqqa heettooh tu akak macabta. A kobbaaya butukka hayteh, tiddigille exxaaxit akak isi angu argiqetto. Tahat yabtam YALLAY Mulki lehiyya» iyye.

Yacedkel 24:14

Tahat yoo YALLAY Mulki lehiyya yaabeh an. Ahaysa gaba edde qidu waa wakti xayyooweh yan. Abta umaane abalih tibba kok maxca. Koh maxuwaawa. Abteemih diggalsimetto. Tahat yabtam yoo YALLAY Mulki lehiyya› » iyye.

Yacedkel 28:9

Hay, koo qidoonuh yamaaten saaku, anu Yalla kinniyo keenik maay axcettoo? Koo qidu waa mari kol yamaatu waa saaku, Yalla hinnitoy bani-adantu kinnitom koh ambulleele.

Yacedkel 36:36

Too saaku a baatik nagay raqte ummatay cuggaaneh siinik tanihiyya, tiddigille magaalooli bicisseeh toomeh tan baaxoy bacari tekkehiyya bicissem yoo kinnim aaxigelon. Yoo YALLAY Mulki lehiyya taham abeyyoomuh xagana culaah, abeyyo» iyye.

Yacedkel 5:13

«Siinil beyah an digaalak cayya axcem fanah, siinih abeh an naqabuh bala siinil oobisak sugeyyo. Tah siinit takku wayta saaku, yooy YALLAH yani yol bahten makoh sin inqibeeh yaabem aaxigetton.

Yacedkel 6:10

Anu YALLA kinniyom yok aaxigelon. Maabina keenik excem abeenik, ken bayisu duuda Dagelta kinniyom aaxaguk raaqelon» yok iyye.

Yacedkel 7:17

Kulli numuk ibak gaba keenik taanele.

Ayyuqel 2:11

YALLI kakkaqô-xaw xaawak isi qaskar amrisaah; kay qaskaray kay amri oggolta kaxxa manga kee qande le. YALLIH cokmih-ayro takku waytam nummaak gibdiimi. Tahak iyyi nuwwuk raaqa?

Malaaki 3:2

Takkay immay usuk meqe saabun wasak elle kala'nnaay, giray birta tasiffiye innah amaatele. Tonna leemiik usuk yamaatu waa waqdi, iyyi sugam duudaa? Usuk yamballayu waa waqdi, kay foocal iyyi soolam duudaa?

1 Samuwel 15:29

Waara YALLAY Israayil doorehiyya diraabat mayaabaay iyyeemit mayaduura. YALLI, sahdayti innah, waqdiiy tu m'iyya» kaak iyye.