Yacedkel 21:7 - NABUWWA KEE MALIKWA

⁷ ‹Macaay akah gomomtaah tu edde toome num akah celtam?› kok iyyan waqdi, keenik intaamah, ‹Tu edde toome num akah ceelam, sarra yamaatu waa uma xaagih sabbata› keenik inxic. Woo xaagi yamaatu waa saaku, afqado keenik cunxoh dub axcele. Gaba keenik axaxitele. Niyâ xiglo ken abbixeleeh, gulub keenik kadiidimitele. Wakti xayyooweh yaniih xayuk akkele. Tahat yabtam yoo YALLAY Mulki lehiyya» iyye.

Yacedkel 21:7 ပူးပေါင်းရင်းမြစ်များ

2 Samuwel 17:10

Ku abba kaxxa qaskariitaay, kay mari celeema kinnim, Israayil mari inkih yaaxigeeh; tonna-leemiik, a xaagu yaabboonu waan waqdii, woo kaxxa agiiray lubak innah cunxo sinni kinni-way meysitele.

2 Malikwa 21:12

Tonna-leemiik yoo YALLAY Israayil doore Dageltah yani, siinik axceemih, Yarusalaam kee Yuudâ-maral, yaabbu waa mari akak wariggitta iyyu waa bala ruubeyyo.

Yasaqya 13:7

Too ayro kulli numih gaba axaxiteleeh, kulli numuk niya addigillele.

Yasaqya 28:19

Bala qaraanak siinit elle amaatinnaanimil sin baysele. Bar siinit amaateleeh, laqo siinit amaatele'mmay saabo sin cabsiisele» iyye. Ta farmok maqna teexegeenik, kaxxa hagga siinil akkele.

Yasaqya 35:3

Gabak boolate maraw, gaba tamsiisa; gulub akak axaxita maraw, guluubat maqar haysita.

Yasaqya 7:2

Yuudâ-malikiy Dawuduk radehiyya Suuriyah qaskar Israayil rasih adda cultem yoobbe waqdi, kaa kee raqqa 'ye mari kaxxam cunxiteeh, caacay yasgayye caxah innah gacen.

Ermiyaas 26:12

Too waqdi Ermiyaas too yaabal gacsemii, «A Qibaadah-Qari kee a magaalah giddinaamak siinih warissa heem inkih YALLI yok inxica iyyeemi.

Ermiyaas 49:23

Damaskoh magaalah giddinaamak YALLI iyyem ah teeti. «Camat kee Arfad magaalal yan mari kaxxam cisabbootiyyat yaniih; too cisabbootiyyat akah yaniinim, uma xaagu yoobbeenimih sabbata. Edde yaniinim ankakkaqe kee cisabbootiyyak, mayaffoofan.

Ermiyaas 50:43

Baabelon malik a xaagu geeh, tohuk gexxaamah gaba kaak meysih kafteh matangayya. Kaxxa cunxo kaat raddeh taniih, lacawat tan barrah innah araadaqisa» iyye.

Ermiyaas 8:18

Ermiyaas iyyeemih, «Edde anim, akak qaffoota biyak hinna; bagi yok kaxxam siinih qaadah.

Yacedkel 20:49

Takkay immay, anu too waqdi, «YALLAW, Mulki le Dageltaw, a mari, ‹Sugay, a num kulli way addah af le yaabat ne'lih akah yaabam macaay?› yok iyyaanak, ta farmo bey yok maxcin» kaak exce.

Yacedkel 21:15

Yi ummatat cunxo qidu waa seefi. Cankaxi innah bixiq iyya seefiy sahdah qidimih bical yanihiyyah gabat, a magaalat qawwalayla ruubam faxa.

Yacedkel 21:6

«Tonna'mmay, Bani-adantow, sinam koo elle table'kkel, xiiroonuk rade numih innah gac. Kaxxam tu edde toome numih innah gac.

Yacedkel 21:8

YALLIH qangara yol obteeh; yok iyyeemih:

Yacedkel 22:14

Anu koo digaalu waa saaku gaba yot maay gacsetto? Tahat yabtam yoo YALLAY Mulki lehiyya; excem duudusa Dagelta kinniyo.

Yacedkel 24:19

Tah yuble mari, «Annah akah abtam macaay?» yok iyyen.

Yacedkel 6:2

«Bani-adantow, Israayil qaleela fanah wagga haay; anu axcem keenih waris.

Yacedkel 7:17

Kulli numuk ibak gaba keenik taanele.

Yacedkel 7:26

Balak-bala sin ciggiilele. Naharak toobben xaaguk gaca xaagu sarrak aabbetton. Sarra takku waytam neh warisa axcuk nabuwwat kallacsimetton. Seeka ummatah-warissam mageytaay; idoola ummatak-fayuh-intam mageyta.

Daaniyel 5:6

wariggiteeh; abeh yan wariggak gexxaamah fooci kaak burraaciteeh, guluuba kaak axaxxeh, yinnikisseh.

Naacum 2:10

Nanawe buubeenih! Is baateh, abuuruh raqte! Sinaamak afqado meysih dub inta. Guluuba keenik axaxxah, sinam qande cabteh. Fooci keenik gombod ceela.

Yoosuwa 5:1

Tikki 'ya Amoorah yooboke maray Ordonuk ayrô-culma le kabut raaqahiyya kee, Kanqaan amoytittey Maditraaniyah badih dariifal tanihiyya takkeemiik YALLI Ordon weeqaytu Israayil mari akak tabam fanah kafsem yoobben. Tohuk gexxaamah kaxxa meysi ken tibbixeeh, niya keenik radde.

Yoosuwa 7:5

Qaay mari magaalah afak keenit aben ardat boodooda elle tan arac fan ken baaheeniih; qaleek ayradduk ken elle oobisen ikkel, soddom kee lica num keenik qiden. Sarrak Israayil marak niya raddeeh, meysi ken tibbixe.