Yacedkel 21:32 - NABUWWA KEE MALIKWA

³² Girat sin bayselon. Qabal siinik sin baaxoh addal caxitele. Wadiriik sin kassita mari maraaqa. Tahat yabtam yoo YALLA› » iyye.

Yacedkel 21:32 ပူးပေါင်းရင်းမြစ်များ

Yacedkel 21:30

Seef le sibah gacisa. Elle tooboken baaxol siinil ackumeyyo.

Yacedkel 22:1

YALLIH qangara yol obteeh; yok iyyeemih:

Yacedkel 25:10

Ayrô-mawqa le kabut raqta bacarih tan baaxoh mari, Mooyab kee Qammon marat qeebi abba heenih akah yaysen innah abeyyo. Toh akah abu waam, Qammon wadiriik doolatah raaqe wayta'gidi.

Yacedkel 25:7

Tohih sabbatah sin buubu waah sin radu waa marih gabal sin heeyyo. Sarrah doolat akah akke waytaanaah, baaxo akah alle waytan innah, inkitanuuk sin bayseyyo. Anu YALLA kinniyom too saaku yok aaxigetton» iyye.

Miika 5:1

Yarusalaamey, qaskarak litom qeebih bical haa. Edde nee yabbixeenim marooy; Israayil malik caxxat yaaguren.

Xafanya 2:9

Waara YALLAY Nabaamak Nabah, Israayil doore Dageltah yanihiyya kinniyooh; inni migaaqal xiibita'mmay, Qammon kee Mooyab deqsita marat duma Sodom kee Gomorra deqsitta namma magaala kee, too namma magaalal suggu 'ye marat tikka 'te baatih innah tan baati keenit abeyyo. Away elle yanin baaxo qasbo elle taabuke booxah raaqeleeh, waaqex elle yaabuke gubbi akkele. Abuuruy way tu elle suge wayta akkele. Yi ummatak carbik saaboh raqtem ken buubeleeh, sarra ken baaxo isinnih haysitelon» 'yaanam iyyah yan.

Zakariyya 9:9

YALLI iyyeemih, «Siyon maraw, afracuk ifrica! Yarusalaam maraw, qililisa! Sin malik sin fanah yamaateh yanik wagita! Sin malik qadaalat leeh; nasri luk yamaateh yan. Takkay immay qunxa num tikka 'yeh dananal gaceh yamaateh yan; oklô-baxih amol gacca 'yeh yamaateh yan.

Malaaki 4:1

«Yoo YALLAY Nabaamak Nabahiyya axceemih: Too ayroy gaba qidu waahiyya gexot tan. Too ayro kaxxiina leela kee uma-taama leela caffayti innah girat carrelon. Too ayro too mari cararra 'yeenih tu keenik maraqta.