Yacedkel 21:3 - NABUWWA KEE MALIKWA

³ Intaamah: YALLI, ‹Anu naqboytah kok aniih, seef sibak siibeh kol aniih; gitat yan mara kee umeynit tittak baxse'kal filla keenik kaleyyo.

Yacedkel 21:3 ပူးပေါင်းရင်းမြစ်များ

Yasaqya 10:5

YALLI iyyeemih: «Woyyow, Assuuriyat takku waytaama! Inqibe mara edde digaalu waa caxxih aftoh Assuuriya liyo. Yi bagcarra, gabat le caxxa keenik tan.

Yasaqya 34:5

YALLIH seef qaraanal tanim baysek lakal, Edom maray baati elle amrisehiyya too seefit bayele.

Yasaqya 57:1

Cakki-gital-gexa-mari rabeh immay, woh, num afqadok macubbusa. Yalla kicna mari rabeh immay, num baaqid edde mahaysitinna. Too mari rabek wadir, ken-tabbixe-umaane ane waytaamat num maradinna. Addunyal umaane takkeemik dumal, Yalli is fan ken bee.

Ermiyaas 17:27

Tonna'mmay yi yab oggoltaanam siinil taniih, sabti ayro taahirik tan ayro kinnim taaxigeenim siinil tan. Too ayro Yarusalaam magaalah afaak magaalah adda duyye merraytul culuse waytaanama. Sunkul culuse waytaanama. Takkay immay yi yab cinna hayteenih culussen sin tekkek, Yarusalaam akak culan afat gira ruubeyyo. Too gira malik qarit gexeleeh, sarra num tet mabargusa, siinik iyyah yan› keenik inxic» yok iyye.

Ermiyaas 21:13

«Yarusalaam magaalak kaadu iyyeemih, ‹Yarusalaamey, atu intam: Fayya 'ta ikkel aniih, yoo xagtam matanaay, yi adda num macula 'yaanam inta'mmay qeebi anu kot abeyyo.

Ermiyaas 21:14

Bahte umaaneh koo digaaleyyo. Malik qariy ku addal yanit gira ruubeyyo. Too gira kulli'kket gexeleeh, kullim gomboduh gacissa heele. Tahat yabtam yoo YALLA› 'yaanam yok iyye» iyye.

Ermiyaas 50:31

YALLAY Dagelta kinnih, Nabaamak Nabahiyya kaadu qagseh iyyeemih, «Baabelon maraw, isin yol kaxxiinitteenim hinna! Wohoysa a saaku naqboytah siinik maaciseh an. Sin edde digaalu waa wakti xayyooweh.

Ermiyaas 51:20

Yalli iyyemii, «Baabelon maraw, qeebi edde absiisa silaacah sin luk suge. Qeebi edde aba birtah luk sugem siini. Doolat sin gabat bayisak suge.

Ermiyaas 51:25

Qagseh iyyemii, «Baabelon maraw, qalê-gideh gacca 'teenih inkih tan ummat bayisseenih immay a saakuk wadir sin naqboyta kinniyom yok ixiga. Tahak wadir gaba siinil heeyyooh qalê-gidey akah sugteenik foyyah cabba sin heeyyo. Gomboduh gacissa sin heeyyo.

Yacedkel 13:8

«Tonna-leemik YALLAY Mulki lehiyya siinik iyyaamah, ‹Isin edde yabtan yab diraabaay; «Nubleh» intan wacyi tublen wacyi hinna. Tohih sabbatah tahal saduh siinil an› siinik iyya.

Yacedkel 14:17

«Hinnay kaadu, too baaxol carbi ruubeh, saq kee ummat akah tambaxe innah, kullim duufut beya silac ruube yoo tekkek, too saaku

Yacedkel 14:21

YALLAY Mulki lehiyya iyyaamah, «Yarusalaam mara kee ken midir edde baysa'gidih, inni kaxxa digaala keenil ruubeyyo. Carbiiy qululuuy alluwwa kee dalka keenit ruubeyyo.

Yacedkel 21:19

«Bani-adantow, Baabelon malik seef gabat luk edde gexu duuda namma gita fiiris. Woo namma giti akak ugtam, inki baaxo. Too namma giti elle yangale ikkel, astah coox soolis. Malik yamaatu waa waqdi akah yaaxige innah, too cooxuk caxxak teeni Rabba deqsitta magaalay Qammon deqsita mari addal akak yanihiyya fanah esces. Aki caxxa kaadu Yuudâ-rasul tan Yarusalaam magaalay kaxxa gidaara lehiyya fan esces.

Yacedkel 24:9

«YALLAY Mulki lehiyya iyyeemih, ‹Biileenit magaalay, kot takku waytam abletto. Gira edde urussa boco anu innih baaheyyok,

Yacedkel 26:3

«Tonna'mmay yoo YALLAY Mulki lehiyya tohuk iyyeemih, ‹Suur maraw, naqboyta siinik ekkeh anim siinih warsa. Qeebit sin yabbaxu waa mara siinit ruubeyyo. Too mari baddi haffoh innah kullim duufut beyak amaatelon.

Yacedkel 29:10

inkih yan Masrik, Migdol deqsitta magaalay kilbat le kabut raqtahiyyak xabba haanamaay, Aswaan deqsitta magaalay gabbi-qaxat raqtahiyyak Kuusuh cuduuduh amma 'yaanam inkih, foyya abeyyo.

Yacedkel 5:12

Ummatak sidochaytoh af siinik qulul kee dalkah magaalak addal ambaxele. Aki sidooca af kaadu magaalak afal seefit selelon. Raaqe sidooca af kaadu affara kaalibil caacayat ruubeyyo. Sarrak innih seef luk ken ayraddeyyo. Tahat yabtam yoo YALLAY Mulki lehiyya.

Yacedkel 5:8

Tonna leemiik yoo YALLAY Mulki lehiyya kok axceemih: tahak wadir qaduwwi kok ekkeh an. Inkih tan ummat elle table'kkel cokmi kol abeyyo.

Qaamus 5:6

Qaamus iyyemii, «Maabinay YALLAL uduura. YALLAL tuduureenik, mano geetton. Toh cinteenik, Israayil ummatal Yalli, giray sahda takmehiyya siinil akkele. Beetal magaalal yan mari girat laqlaqimele. Woo gira keenih bargusa mara mageyan.

Qaamus 7:4

«Tohuk kalah kaadu gersi sirri yoo yuybulle. Too saaku kaadu ublemii, YALLAY Mulki le ummat girat digaala'gidih bicat yanim uble. Too gira baaxok guba raaqa kaxxa bad akamih uble. Too badak gaba kalte waqdi baaxo kaadu cararisah uble.

Naacum 2:13

YALLAY Nabaamak Nabahiyya iyyeemih, «Anu siinik naqboyta ekkeh. Isin edde tanin faras-gaariira carariseyyo. Sin qaskaray qunxa lubooka ceelak tanihiyya carbit rabele. Sahdak beyya hayteenim siinik beeyyo. Ahaysa meysiisak duyye beytaana'gidih, farmoytitte baadal tan doolatwa fan marubtan» iyye.

Naacum 3:5

YALLAY Nabaamak Nabahiyya iyyeemih, «Nanawê-magaalay, kok naqboyta ekkeh an. Doolatwa qawrat kok akah table innah qasunuk koo cabeyyo.

Xafanya 2:12

Kuus maraw, isin kaadu seefit bayetton.

Zakariyya 13:7

YALLAY Nabaamak Nabahiyya iyyeemih, «Seefow, ama illi loynay yoh taamitahiyyat rad. Seefow, kaa qid; illi fixixele. Qunxa illit qeebi abeyyo.