Yacedkel 21:22 - NABUWWA KEE MALIKWA

²² Migdi gabat Yarusalaam 'yaanamih asta elle tan gaysê-baxa heele. Too waqdi, ‹Tet gidaarwa edde taggalu wayta gutqeyna bicisaay, qeebil tirtirisu waa mara bical hayisa. Culmeyna edde taggalu wayta gutqeyna xayyoosa. Ballaaqe tittak bagul hayisak eded bicisa. Megdebih edde gacan boodo bicisa› 'yaanam axcele.

Yacedkel 21:22 ပူးပေါင်းရင်းမြစ်များ

2 Malikwa 25:1

Toh yuble waqdi, Baabelon-malik qaskarak tu cabe'kal beyya heeh, Xidkiya malik edde yekke sagalhaytô-sanatak tabanhaytoh alsak tabanhaytoh ayrot, Yarusalaam wararen. Magaalak irol megdebih edde gacan arac haysitta heeniih, sarrak magaalal yan mari akah awqe waa innah, dariifat maro teetik xisen.

Ermiyaas 32:24

« ‹Baabelon-mari Yarusalaam-magaala yabbixe'gidih, tet gasoosat xakabuh coox kee xeet tittin bagul heen. Addal teetik yan mari carbi kee qulul kee dalkâ-gadda yekkeeniih, tohuk gexxaamah ellecabol Baabelon malikil gaba ecee'kal maraaqan. Tah atu inteemiiy; away akah table'nnah, atu inxicca elle inte'nnal tekkeh.

Ermiyaas 33:4

Tonna'mmay yoo YALLAY Israayil doore Dagelta kinnihiyya kok axceemih: Yarusalaam magaalah mari, Baabelon-maray qeebi keenit abahiyyak megdebih edde gacaana'gidih, malikwâ qarwa kee raqqa 'ye marih qarwa yiggilen.

Ermiyaas 4:16

Baaxoh ummatak inkih, «Naqboytit xer baaxok tamaateh tan» inxica. Yarusalaam-marak, «Yamaatu waa naqboytit tirtirisak amaateloonuuh Yuudâ-magaaloolit inkih maro heelon» inxica.

Ermiyaas 51:14

YALLAY Nabaamak Nabahiyya isi migaaqal xiibiteeh, iyyemii, «Baabelon rasow, mangah qanayti innah ixxima akak amixxige waa mara baaxot siinik ruubeyyo. Too mari qanayti innah inkih yan Baabelon rasu bulla heele; Baabelon ken gubat gacteemih qililiselon» 'yaanam iyye.

Ermiyaas 52:4

Xidkiya edde dardaare sagalhaytô-sanatat Nabkadnessar deqsita malikiy Baabelon amoytah yenehiyya qaskarak tu cabe'kal, Yarusalaam gaaduh gexe. Too sanatak tabanhaytoh alsak tabanhaytoh ayro, Yarusalaam magaalah afa gufeeniih; magaalak irol megdebih edde gacan arac haysitta heeniih, sarrak, magaalal yan mari akah awqe waa innah, dariifat maro teetik xisen.

Yacedkel 26:8

Suur magaalak baddi afal raqtah tan mandarittel yan mari qeebit ambaxele. Nabkadnessar mari boodod dageleeh, bullaaqek megdebitte xiseloonuuh, eded bicselon. Gooba mangak gexxaamah siinik isinni dacrisak wadir sin biyaakelon.

Yacedkel 26:9

Gaso edde yaggilen gutqeenat magaalat maroh tan gasoosi aggilelon. Godmat amo xer qarway magaala akak dacrissaanahiyya siinik aggiggilelon.

Yacedkel 4:2

Yarusalaam marot heeloonum taybulle asta takke'gidih, too taswiirih a kabu kee woo kabul boodooda dagaay bullaaqe tittak bagul haak, eded bicis. Qaskar arooca kee megdebwa edde yaggilen mansafitte bicis.

Yacedkel 5:12

Ummatak sidochaytoh af siinik qulul kee dalkah magaalak addal ambaxele. Aki sidooca af kaadu magaalak afal seefit selelon. Raaqe sidooca af kaadu affara kaalibil caacayat ruubeyyo. Sarrak innih seef luk ken ayraddeyyo. Tahat yabtam yoo YALLAY Mulki lehiyya.

Yacedkel 5:13

«Siinil beyah an digaalak cayya axcem fanah, siinih abeh an naqabuh bala siinil oobisak sugeyyo. Tah siinit takku wayta saaku, yooy YALLAH yani yol bahten makoh sin inqibeeh yaabem aaxigetton.

Qaamus 1:14

Tohuk gexxaamah, Rabba deqsitta magaalat maroh tan gasot gira ruubeyyo. Woo magaalal tan megdebittet gira ruubeyyo. Too ayro kaxxa deero kee waxxaqa radele. Too carbiy caffat gexxe girah innah baaxo gufele.

Yoosuwa 6:10

Takkay immay Yoosuwa iyyeemih, «Anu siinik axce'kal num siinik xongole waay; num guduqqa siinik axce waay» keenik iyye.

Yoosuwa 6:20

Sarrak seeka baanta toogoreeh; too waqdi raqqa 'ye mari too baantah anay akah yoobbe innaak kaxxa xongoloh xongolen. Too waqdi magaalat maroh tan gasoosa tiddigilleh. Sarrak qaskar takkeemik woo magaala elle tan kooma fan yewqeeniih magaala yibbixen.

1 Samuwel 17:20

Dawud maaca dibroh ugutta 'yeeh, illit gersi mara cabba heeh, kay abba kaah elle warse innal, usuk kaal yecee maaqo gabat hayya heeh gexe. Dawud, Israayil mari carbi booxa fanah gexaah, qeebi tirtirisan waqdi, yemeete.