Yacedkel 21:19 - NABUWWA KEE MALIKWA

^19-20 «Bani-adantow, Baabelon malik seef gabat luk edde gexu duuda namma gita fiiris. Woo namma giti akak ugtam, inki baaxo. Too namma giti elle yangale ikkel, astah coox soolis. Malik yamaatu waa waqdi akah yaaxige innah, too cooxuk caxxak teeni Rabba deqsitta magaalay Qammon deqsita mari addal akak yanihiyya fanah esces. Aki caxxa kaadu Yuudâ-rasul tan Yarusalaam magaalay kaxxa gidaara lehiyya fan esces.

Yacedkel 21:19 ပူးပေါင်းရင်းမြစ်များ

Ermiyaas 1:10

Ummatta kee doolat ragidik edde siibtaah deerik afah ken edde korissaah edde ken bayissaah edde ken xise kee buxux keenik edde daabise takke qande kot heeh ani'mmay a saaku tama yab yok raaqis› yok iyye» 'yaanam iyye.

Yacedkel 21:11

Seef qidimih duugol yaniih, arbaqiyyak gaba kale. Kay duugok gaba kaleenih; ummat edde qida'gidih, qida numih gabal heelon.

Yacedkel 21:15

Yi ummatat cunxo qidu waa seefi. Cankaxi innah bixiq iyya seefiy sahdah qidimih bical yanihiyyah gabat, a magaalat qawwalayla ruubam faxa.

Yacedkel 21:18

YALLIH qangara yol obteeh; yok iyyeemih:

Yacedkel 22:13

«Yarusalaamey, sahdat abta bukko kee qidiyyah abeh an naqabuk gexxaamah, gaba kol heeyyo.

Yacedkel 23:23

Baabeloonuh yooboke mara kee Kaldayah yooboke maraay, Fakod kee Sowaq kee Kowaq yooboke mara kee Assuuriyah mara baaheyyo. Oson inkih, qax-maqaane le furraynay farasak qeebi abtahiyya. Baaxoh abbobti kee qaskar abbobtiiy, kaxxa-kaxxa abbootan le mara kee agiirah tan qaskar kinnon.

Yacedkel 6:11

YALLAY Mulki lehiyya yok iyyeemih, «Israayil marah gamoomitaay keenih qaad. Israayil mari abe umaaneh kaxxa boogeh boogis. Carbi kee qulul kee dalkah ambaxelon.