Yacedkel 20:6 - NABUWWA KEE MALIKWA

⁶ Tohuk lakal, ‹Masrik eyyeqqa sin heeh, woo elle sugten baaxok tayse baaxoy niqmatak tanihiyyay ikoytah siinih acayu waahiyya fan sin beeyyo'mmay,

Yacedkel 20:6 ပူးပေါင်းရင်းမြစ်များ

Nacmiya 9:12

«Laqo elle gexaanamal, qeera-qamiddu foocat keenik hayte. Bar kaadu edde gexan gita yabloonuh, ura qamiddu foocat keenik hayte.

Nacmiya 9:9

«Ni kaxxa abbobti Masril taqabik geytem tubleh. Qasa badih xaqul cato keenih takke'gidih, aben dooqa keenik raabitteh.

Ermiyaas 11:5

Tonnal hay, ken kaxxa abbobti lih niqmatak tan baaxo siinih aceeyyo axcuk abeh suge qahdi kulli way duudusah. A saaku kinni way keenik rade mari elle yanim too baaxo› 'yaanam keenik inxic» iyye. Anu too waqdi «YALLAW, numma kinnih» exce.

Ermiyaas 3:19

«Israayil-maraw, anu inni bagul, baxi gurrah sin loowitam faxak suge. Addunyal inkih qaxah tayse baaxoy ruffa sin haytahiyya siinih aceem faxak suge. Abbâ-gurrah yoo loowittaanam siinik faxe. Yot darre cabe waytaanam siinik faxe.

Ermiyaas 32:22

Duma ni kaxxa abbobtih qahdi culteh sugteeh, too qahdil niqmatak tan baaxoy buqre kee lacah meqehiyya keenih tecee.

Yacedkel 20:15

Tohu immay too bacarih tan baaxol sugen saaku, can kee malab darah elle gexa baaxoy taysehiyyay ikoytah keenih eceeh sugehiyya keenil kalitaamal xiibite.

Yacedkel 20:23

Tohuk kalah bacaril elle anih, ummat addat fixixih ken ruubaamal, aaxige waan marih fanat ken fixixisaamal xiibiteh suge.

Yacedkel 20:42

Israayil rasuy sin kaxxa abbobtih eceeyyo exceh sugehiyya fanah sin gacisu waa saaku, YALLA kinniyom yok aaxigetton.

Yacedkel 20:5

Keenik intaamah: YALLAY Mulki lehiyya siinik iyyaamah, Anu Israayil mara doore saaku, qahdi keenih cule. Masri rasul inni ken uybulle. Keenik exceemih: ‹Yaqkuubuk rade maraw, anu YALLAY sin Dagelta kinniyo› keenik exce.

Yacedkel 47:14

Isin akak radden sin kaxxa abbobtih a baaxo aceeyyoomuh xagana culeh suge. Away too baaxo isin inki gidel kurraasita.

Daaniyel 11:16

Suuriyah malikiy qeebi keenit abahiyya isih faxxa heem abeleeh; num kaat makoysita. Baaxooxak qaxa inkih tayse baaxo isi gabat heeleeh, too baaxo edde bayisu duuda qande luk sugele.

Daaniyel 11:41

Baaxooxak qaxa inkih tayse baaxo kaadu wararele. Mango alfitte yakke mara qidele. Takkay immay Edom kee Mooyab rasih mara kee, tonnah, Qammon rasih marak raqtem asillimele.

Daaniyel 8:9

A affara gaysak tiyak teenah addak qunxa gaysê-baxa tooboke. Too gaysak qande gabbi-qaxaay ayrô-mawqa le kabu kee Baaxooxak-qaxa-tayse-baaxol inkih fixixxe.

Zakariyya 7:14

Kaxxa caacay guddaafa duufut elle beya'nnal, ken baaxok eyyeqqa ken heeh, marin baaxo fan ken iskiliqe. Tonnal a xaqan le baaxo dibuk raqteeh, dibu tekkeeh; a saaku num teetil mayan» kaak iyye.