Yacedkel 20:43 - NABUWWA KEE MALIKWA

⁴³ Abba hayten umâ-yabuli, too saaku siinih ambulleele. Isinni nadaasa elle abten inni, too saaku siinih ambulleele. Abba hayten uma taama kassittoonu waytan waqdi, isinni nabsi inqibba heetton.

Yacedkel 20:43 ပူးပေါင်းရင်းမြစ်များ

Ermiyaas 31:18

«Israayil maray nadaamitahiyyah anay yol rada. ‹YALLAW, dubaalinneh sugne'mmay, ku amri oggolaanam nee barisseh. YALLAW, ni Dagelta kook, elle sugne'kke fan nee gacis; kol naduuruh bical nan› 'yaanam axcih ken aabbe.

Yacedkel 36:31

Isinni uma-qamal kee qellatay edde asak sugteenihiyya siinih ambulleele. Too waqdi abak sugten dambi kee ceele-waytoy edde sugteenihiyyak gexxaamah, isinni nabsi inqibba heetton.

Yacedkel 39:26

Anu taahirik yan Dagelta kinniyom sahda aybulle'gidih, inni mara naqboytit lih elle yanin aracak ayyaaqeyyo. Ahak sarra isinni baaxoy num ken elle meysiise waahiyya uduurra 'yeenih amaanah xiinoonu waan saaku, duma yok yexxeereenim kassa haan waqdi wacarriyelon.

Yacedkel 6:9

Seewah ken been baaxol anelon. Too saaku yoo kassa heelon. Too waqdi ken akah digaaleeh qaybik ken akah qidem, ken kalbiy gano lehiyya ubleeh, yoo cabba heenih xeet kee coox yaqbudeenim keenik ubleemih sabbat kinnim aaxigelon. Isinnih aben umaane kee, qaybik taniimiy edde sugeenihiyyak gexxaamah, isinni nabsi anqibelon.

Hosiqa 5:15

Yi mari dambik abeenimil yoo qaddoowe'kal, keenil maaduura. Gadaamah addat yanin waqdi, yoo kassiteloonuuh yoo gorriselon» iyye.