Yacedkel 20:30 - NABUWWA KEE MALIKWA

³⁰ Tonna leemiik Israayil marak intaamah: «YALLAY Mulki lehiyya siinik iyyaamah, ‹Isin kaadu sin abbobti abak sugte uma-taama macah abtaanaah; isinni nabsi nadaasat macah culsaanah? Oson aqbuduk sugen xeet kee cooxuk bicsen duyyeh lakat macah tarden?

Yacedkel 20:30 ပူးပေါင်းရင်းမြစ်များ

2 Aydaad 30:7

Sin kaxxa abbobti kee sin innah yan Israayil mari akah suge innal, YALLAY sin kaxxa abbobti doorehiyyal imaan sinni mara makkina. Isin akah tablen innah, YALLI wohuh ken uma'nnah digaaleh.

Ermiyaas 16:12

Siinih tu gactek, uma-taamah isinni kaxxa abbobtik lafittaanaah, yi yab yaabbe num siinit mayanaay, yabti-cina kee uma-taamah-abittoh num numuk siinik mayaysaay inki bis liton.

Ermiyaas 7:26

Takkay immay tohuh, yi yab yaabbeeh anu axcem ankacisa num siinit mayan. Mako litoonuh, yab oggola mara hinniton; sin kaxxa abbobti edde sugte dambik lafitta 'ya dambit assan», siinik iyya.

Ermiyaas 7:9

Garqa abtaanaah, sahda qiddaanaah, dalwa abtaanaah; diraabay taceenihiyya numma sinaamat celsissaana'gidih, xiibittaanah. Baqal akak intan gabak bicissen ceeloh dooqa axcuk qaydarus rubtan. Duma aaxige waak sugten duyyeeya Yalla axcuk taqbuden.

Ermiyaas 9:14

Yi yab cinna heenih dumaak abak yenen makot yanin. Isinni abbobtik kaxxih, Baqal akak iyyan duyyeh qibaadat yanin.

Yacedkel 2:3

«Bani-adantow, Israayil mari yab yok cineeh; naqboytit yok yekkeenih yanin. Oson akak raden ken kaxxa abbobtik kaxxih, yi yab moggolaanaay; away ken fanah koo ruubah an.

Yacedkel 20:26

Isinni xaylok naharsi-xaylo, umâ-yabulih xeet kee cooxuk bicsen duyyeh qibaadah arac sadgatah baahah ken abalih, yanoonay ken axcuk suge. Toh keenik akah abak sugem, abeenimik xagar keenik wacarriya'gidiiy ken Dagelta dibuk yoo kinnim yaaxigeeni'gidi.

Yacedkel 20:29

Anu too waqdi, ‹A fayya le aroocay gexxaanahiyya macah gexxan arooca?› keenik exce. Too arooca tohuk wadir fayya le arooca deqsitak raqte» iyye.

Makaabon 2:19

Woo makaabonuy Yalli keenih heehiyya rabtek wadir, duma ken kaxxa abbobti abak sugte uma-taamak lafitta 'ta uma-taama abak yenen. Yalla cabba heenih duyyeeya yaqbudeenim dumak laffa haak abak yenen. «Ninnih fanxem abenno» axcuk, uma-gita cabaanam cineenih.