Yacedkel 20:3 - NABUWWA KEE MALIKWA

³ «Bani-adantow, yoo YALLAY Mulki lehiyya axcem keenih waris» yok iyye. Keenik intaamah, «Isin akah temeeteenim, yi fayxi essertaana'gidi inna? Anu waara Dagelta kinniyooh, fayu yok essertaanam siinik mafaxa. Tah intam yoo YALLAY Mulki lehiyya» iyye.

Yacedkel 20:3 ပူးပေါင်းရင်းမြစ်များ

Yasaqya 1:12

Yoo taqbudeeni'gidih yi foocal temeeten waqdi, yi qarih addal annal iqita iyyi siinik iyye?

Yasaqya 1:15

Dooqah kulli way gaba fayya haytaanamah gaboobi siinik qabalat tutlukeh tani'kkal, siinik moggolaay racmatta le intih sin mabla.

Yasaqya 58:2

Macaay intek, cakki-gital-gexa-marih innal, ken Dagelti iyyeemit darre cabe wee marih innal, oson kulli ayro, ‹Kay gita naaxigem fanxaah, kay amri oggollam fanxa› axcuk yoo yaqbuden. ‹Koo naqbudeemit rufto geennok, qadaalat le xinto neh eyyeq› yok iyyan.

Yacedkel 14:1

Israayil idoolak tu'baxa yakke mari Yallih yab yoo esseraana'gidih, yol yemeeteenih foocal yok daffeen.

Yacedkel 20:2

Too waqdi YALLIH qangara yol obteeh; yok iyyeemih:

Yacedkel 20:31

A saaku kinni way too duma sin abbobti akah abak sugga 'te innah, too bis le sadgat abtaanaah, keenik kaxxih isinni xaylo sadgatah girat carrissan. Tonnal isinni nabsi nadaasa abtan. Tannah tanim abba hayteenik sarra, wadir yi fayuh esseroh yol tamaaten. Waara YALLAY Mulki lehiyya kinniyooh inni migaaqal xiibita'mmay, tahak wadir tu yoo esseri sin maha.

Yacedkel 33:30

YALLI kaadu iyyeemih, «Bani-adantow, ku mari magaalat maroh tan gasoh xaqu kee isinni qarwah afal yangoorowen waqdi, ku yaabat yaabaanaah, ‹YALLAK yemeete yab ankacisnu waynak nee beya› sittak iyyan.

Qaamus 8:12

Ummat inkih, kilbat le kabuuk gabbi-qaxa kee ayrô-mawqa kee ayrô-culma le kabul, bad kee barril meekitelon. YALLIH qangarah goranah kulli ikkel qayyaawelon. Takkay immay yi qangara mageyan.

Miika 3:7

‹Sarra woh akkeleeh, ah akkele› iyya mari iyyeemit wacarriyele. Anu ken yab moggolaay, tohuk gexxaamah qawratak radelon» iyye.

1 Samuwel 28:6

Too waqdi, «YALLAW, maca aboo?» axcuk, YALLAL fayu essere. YALLI tu kaal magacisinna. Soonol kaal gacsem maliiy, hinnay kaadu, *Urim kee Tummim kabuk kaal gacsem maliiy, nabuwwâ kabuk kaal gacsem mali.