Yacedkel 20:13 - NABUWWA KEE MALIKWA

¹³ Keenih tu gactek, bacarih tan baaxol sugen saaku kinni-way, anu aba keenik axcem cinak sugen. Yi amri kee yi xintoy duuduse marah waar teceehiyya cinak sugen. Sabti ayro xaguraanam inkinnah cineenih sugen. Tonna-leemiik too saaku yi naqbi le'nna ken aybulleem faxxa heeh, too bacarih tan baaxol elle ken baysam faxeh suge.

Yacedkel 20:13 ပူးပေါင်းရင်းမြစ်များ

2 Samuwel 12:9

Hay, yi amri cinna hayteh makkook isi amril taamitte. Yi garil annah tan gacta taamat akah assem macaay? Uriyya qiddem Qammon mara'mmay, wohim elle takke'nna bicissem koo. Uriyya barra isih haysitte.

2 Aydaad 30:7

Sin kaxxa abbobti kee sin innah yan Israayil mari akah suge innal, YALLAY sin kaxxa abbobti doorehiyyal imaan sinni mara makkina. Isin akah tablen innah, YALLI wohuh ken uma'nnah digaaleh.

Nacmiya 13:17

Toh uble waqdi Yuudak saqoltih yan mara essecekkeeh. Keenik exceemih, «Away abtan umaane isinnik maay tablen? Sabti ayroy taahirik tani nadaasa abten!

Yasaqya 56:6

YALLI, allî-baaxoh-maray kaa akcinuk kaa aynabuk kay taamat gacaana'gidih kaa yaqbudeenim dooritehiyyak, iyyaamah: «Sabti ayro assakaxxuk yi qahdil digga inteenik,

Yasaqya 63:10

Keenih tu gactek, kay yab cineeniih kay Roocaaniyyay *kudduusuk tanihiyya qaadiseenih. Tonna leemiik YALLI naqboyta keenik yekkeeh, isih qeebi keenit abe.

Ermiyaas 7:24

Too yaabat baaqid mahaysitinnoonuuy yok cineenih. Anu keenik excem cabba heenih, ken misinkacay yab aabbe sinni keenil teceem abak sugen. Qamal keenik gacak gace.

Yacedkel 20:11

Duuduse num waar akak geya'gidih, amri keenil oobiseeh, xintoh haysitoonu waan madqa keenih ruube.

Yacedkel 20:14

Takkay immay woo ken beyah yoo yuble marih foocal, Yalli ken bayseh 'yaanam innit cabam mafaxinniyo. Tonna-leemiik, inni migaaqih taagah inni naqabu keenil oobisaamak wadir eedeh.

Yacedkel 20:16

Toh akah abem, xeet kee cooxuk bicsen duyye aqbuduk, anu keenil oobise amri cineeniih, keenih oobise xinto kataatoonu cineeniih, sabti ayroh massakaxxa cineenimih keenik abe.

Yacedkel 20:21

«Takkay immay ken xaylo kaadu yi yab cinaanam bahte. Yi amri kee yi xintoy duuduse numuh waar teceehiyya cineenih. Sabti ayro nadaasa aben. Too saaku kaadu woo bacarih tan baaxol inni naqabu keenil oobiseh ken baysam faxe.

Yacedkel 20:24

Toh akah abem, yi madqa cinak sugeeniih, yi amri maaqilak sugen. Sabti ayroy mataamitina keenik exce, taamitak sugen. Ken abbobti aqbuduk sugte xeet kee cooxuk bicsen duyyeh qibaadat gacen.

Yacedkel 20:36

Masrik xaqul yan Siinah bacaril sin kaxxa abbobtil akah uckume innah, siinil ackumeyyo› 'yaanam iyye YALLAY Mulki lehiyya.

Yacedkel 20:8

Takkay immay yi yaabat carra mahannoonuuy; anu excem mankacisinnon. Qiday caba keenik exce gabat bicsen duyyey yaqbudeenihiyya macabinnon. Woo Masri marak kaxxih gabat bicsen duyye aqbuduk raaqeeniih, caba keenik exceemih macabinnon. Tonna-leemiik Masri elle yanin saakuuk yi naqbi le'nna ken aybulleem faxxa hee.

Yacedkel 22:8

Taahirik tan qibaadah caagid elle aban arooca maxagurta. Sabti ayro maxagurta.

Yacedkel 23:38

Oson aben dambi amahat taadeem hinna. Too saaku yi qariy yoo elle yaqbudeenihiyya nadaasa aben. Anu yoo edde uqbuda exce Sabti ayro xagure waanam baahen.

Qaamus 2:4

Kaadu qagissa heeh iyyemii, «Aham YALLI iyyaama. Yuudah yooboke mari fiiruk geerah dambi le taama abeenih; tohuk gexxaamah ken digaaleyyom digga le. Yoo YALLI, aba keenik exceemit maqal haysite cineeniih, yi amriy aba keenik excehiyyal anqaasah haysiten. Oson akak raden ken kaxxa abbobti aqbuduk sugte duyyey xeet kee cooxuk bicseenihiyyah qibaadat gacen. Tohuk gexxaamah makot gexa mara yekken.

1 Samuwel 8:8

Masri baaxok ken eyyeeqeemiiy akke yoo cabba heenih yi aftok amixxige waytam aqbuduk sugen. Away kok abaanam yok dumaak abak sugeenimi.