Yacedkel 2:9 - NABUWWA KEE MALIKWA

⁹ Too waqdi yoo fanah fakimit tan gaba ruubah ubleeh; too gabah addat kutbe elle tan arabay xambabbaqut yani uble.

Yacedkel 2:9 ပူးပေါင်းရင်းမြစ်များ

Ermiyaas 1:9

Sarrak YALLI gaba yi fanah ruubeeh, feerah sokto yok xage. Too waqdi yok iyyeemih, ‹Edde yabtu wayta yab afat kok haah an.

Ermiyaas 36:2

«Xambaqen-warkat baahay, Israayilih yooboke maraay Yuudah yooboke mara kee, raqqa 'te doolatwah giddinaamak, anu edde yabba excem elle uktub. Yoosiyaahu malikih yen saaku naharak ko'lih edde yaabe yaabak xabba haay a saaku fan, ko'lih edde yabba exceemik tu cabe'kal uktub.

Ermiyaas 36:4

Tohuk lakal Ermiyaas, Neeriyyâ-Baaruk deqsita numuh secca iyyeeh; YALLI kaak, «Uktubay raaqisa» iyyem, too numuh yaktube'gidih warse. Too waqdi Baaruk tohim inkih xambaqen-warkatal yuktube.

Yacedkel 3:1

Yalli, «Bani-adantow, a arab unxuqaay gexay Israayil ummatah waris» yok iyye.

Yacedkel 8:3

Gabah innal tanim yoo fanah ruubunteeh; amô-xagor yok tibbixe. Too waqdi suwaawur gurral, Yallih Roocaaniyya qaran fanah yoo teyyeeqeeh; Yarusalaamak kilbat le kabuk yamaaten waqdi, Yallih Qibaadah-Qarik adda akak culan afa yoo bahte. Tokkel gabat bicsen duyyey yallah loonuhiyya fanah yoo bahte. Yallih naqabu bahtem, too duyyek ten.

Daaniyel 10:10

Sarrak gaba yoo tibbixeeh gulub kee gabah yoo cabte. Too waqdi axaxitak suge.

Daaniyel 5:5

Oson tohut yanin waqdi, garciik kay qarih gidaarih bagul, sahdayti gaba tumbulleeh; woo gaba gidaarak noorâ-bagul axcih faanus elle ifisak suge aracal aktubih yublen. Malik too gaba aktubih yuble waqdi,

Zakariyya 5:1

Kaadu wagga hee waqdi, xambabbaqut tan warkat qaraanak bagul caacay beyah uble.

Zakariyya 5:3

Too waqdi malaykatti yok iyyeemih, «Ama table xambabbaqut yan warkat, a addunyal obtu wayta bala elle tunkuttube warkata. Tama warkatak exxak teenal tan kutbe intaamah, ‹Garqa abta garoqti a baaxol bayele› intaah, gersi exxal tan kutbe kaadu, ‹Xiibitak diraabat yaaba mari kaadu a baaxol bayele› 'yaanam inta.