Yacedkel 2:7 - NABUWWA KEE MALIKWA

⁷ Yab yaabbe mara hinnoonu'mmay, kok cinee kee oggole yakkoonay inxicaay, anu waris axcem keenih waris.

Yacedkel 2:7 ပူးပေါင်းရင်းမြစ်များ

Ermiyaas 1:17

Tonna'mmay taway ugutay, anu kok axcu waam keenih warissa'gidih bical gac. Keenik mameysitin. Keenik meysitta intek, ken foocal kaxxa cunxoh akak cunxittam kot ruubeyyo.

Ermiyaas 1:7

Takkay immay YALLI yok iyyeemih, ‹Qunxa num kinniyo 'yaanam maxcinay, koo elle ruuba mara fan gexettooh; anu kok axcem keenih warsetto.

Ermiyaas 17:20

Keenik intamaa, ‹Yuudâ-malikwa kee Yuudah-ummat kee Yarusalaamal tan ummatak, YALLI siinik iyyam oobbeya.

Ermiyaas 23:28

Soono yuble num, ‹Anu wonnah tan soono uble›, axcuk, yuble soonot yaabek faxeemi'mmay, ‹Yallih wacyi yol oobe› axce waama. Wonna hinna'mmay, nummah yok kaal obte farmo tekkek, qaduk keenih warsaamaay nummat ken lih yaabaama. Caffa kee daro inkim hinna. Tahat yabtam yoo YALLA.

Ermiyaas 26:2

YALLIH qangara yol obteeh yok iyyeemih, «YALLIH Qibaadah-Qarih daaratal solla inxicaay Yuudâ-magaaloolik qibaadah tokke yamaate mara lih yab. Anu taway kok inxicca axceemik tu macabinay qangara qangarah keenih waris.

Ermiyaas 34:6

Tohuk lakal nabi Ermiyaas, YALLI kaak warisa iyye farmo, malik Xidkiyay Yarusalaamal yeneh warse.

Ermiyaas 36:14

Tohuk lakal doolatak saqoltih yen mari, Natanyâ-Yahuudi deqsita numuy Selemya deqsita numuk baxi baxak yeneeh Kuusi deqsita numuk kaadu baxi-baxih baxak yenehiyya, Baaruk fan ruuben. Iyyeenimih, «Atu Baaruk fan gexay, ‹Ama ummatah tikriye warkat luk nee fan am› kaak inxic» kaak iyyen. Too num gexeeh Baaruk baaheh; Baaruk too warkat gabat luk keenil yemeete.

Ermiyaas 42:21

Ta saaku YALLAY ni Dageltah yanihiyya siinik iyyem siinih warsah ani'mmay, cintaanah tanin.

Ermiyaas 44:20

Too waqdi tokkel sugga 'te labha kee agabuy tah kaak iyyel, Ermiyaas gacsemii,

Ermiyaas 6:28

Birti gide ikkal, yab moyyat akak cula mara hinnon. Taama akak toome mara kinnon. Elle meekitaanamal, sinam-migaq baysan.

Ermiyaas 7:27

Sarra yok iyyeemih, «Atu taway anu kok axcem keenih waris. Takkay immay kok mankacisaanaay; uduura keenik intaamah kok mayaabban.

Yacedkel 11:25

Tohuk lakal YALLI yoo uybulluyyu heem inkih, Baabeloonul seewah yabbixen marah warse.

Yacedkel 12:2

«Atu fanat akak tanim, yabti cina le maraay; makoleela kinnoonumih sabbatah, abalih mayablaanay aabbih mayaabban.

Yacedkel 2:5

Yi yab cinee kee oggole yakkeeni'mmay, nabi addal keenik yanim aaxigeloonuk, anu inxicca axcem keenih waris.

Yacedkel 20:27

«Hay, bani-adantow, yoo YALLAY Mulki lehiyya kok axcem keenih waris. Ken kaxxa abbobti tohuk kalah imaan sinnat yoo elle xaafen tiya tan.

Yacedkel 3:10

Yalli qagseh yok iyyeemih, «Bani-adantow, ko'lih yaaba yab nagay cubbusay raq.

Yacedkel 3:17

«Bani-adantow, kok axceemih, Israayil marat dacayri hayu waam koo. Anu kok excem keenih warisaay, garci keenih kal.

Yacedkel 3:4

Sarrak yok iyyeemih, «Bani-adantow, taway gexay; anu kok inxicci axcem Israayil marah waris.

Yacedkel 33:7

«Hay ta way, bani-adantow, kok axceemih: Israayil marat dacayri hayu waam koo. Anu kok excem keenih warisaay garci keenih kal.

Yacedkel 40:4

Woo num yok iyyeemih, «Bani-adantow, akke akah temeetem, anu koo aybulleem nagay ankacissuuy cubbusseh raqta'gidi kinnuk, intih wagitaay tublem Israayil marah waris» yok iyye.

Qaamus 3:13

YALLAY Nabaamak Naba Dagelta kinnihiyya iyyaamah, «Yaqkuubuk rade marah garci kala.

Yoonas 3:2

«Nanawey kaxxa magaalah tani fan gex. Tokkel anu keenih waris kok axcu waam keenih waris» kaak iyye.