Yacedkel 2:4 - NABUWWA KEE MALIKWA

⁴ Deedalak sah yi yab mayaabbaanaay yoo yaynabeenim cabeenih. Tonna'mmay yoo YALLAY Mulki lehiyya iyyem keenih warissa'gidih, away ken fan koo ruubah an.

Yacedkel 2:4 ပူးပေါင်းရင်းမြစ်များ

1 Malikwa 22:14

Miikayhu kaal gacsemii, «YALLAY Waarahiyyah migaaqal xiibitah ani'mmay, YALLI yok inxica iyyeemik kalihim kaak maxca» iyye.

2 Aydaad 30:8

Oson akah sugen innal, aabbe cina mara makkinay; YALLIH amri oggola. Away Yarusalaamal yan Qibaadah-Qariy YALLI kulli way taahir abehiyyal ama. YALLIH bagcarrak cattintaana'gidih, kaay sin Dagelta kinnihiyya uqbuda.

2 Aydaad 36:13

Baabelon-abbay Nabkadnessar deqsita Xidkiya malik abe saaku, kay yab yaabbu waamih tiyal, Yallih migaaqal dirkih kaa xibsiiseh suge'mmay, Xidkiya kay yab moggolinna. Fiirik geerah YALLAY Israayil doore Dageltah yanit baaqid mahannaay; toobitta 'yeh kaal yaduureenim cineh.

Yasaqya 48:4

Yab ayti akak cule waah, xixxaqay lee adda akak cule waytah bis litoonum aaxaguk en.

Ermiyaas 1:7

Takkay immay YALLI yok iyyeemih, ‹Qunxa num kinniyo 'yaanam maxcinay, koo elle ruuba mara fan gexettooh; anu kok axcem keenih warsetto.

Ermiyaas 3:3

Tohuk gexxaamah dabaybah rob baaxol radu cineh. Sugum kaadu maradinnay baaxo kafteh. Caalat siinik xiiqareh-xiinah caalatih bis le'mmay tohuh edde mawacarriytan.

Ermiyaas 36:21

Sarrak malik woo warkat baaha'gidih Yahuudi farmoh ruube. Yahuudi gexxa 'yeh woo xambaqen-warkat Alisamaq-qarik baaheeh, sarrak malikik foocal, doolatak saqoltih yan mari maraasiyot kaa elle yabbixe'kkel, keenih kawse.

Ermiyaas 5:3

YALLAW, atu faxxam, yaaminen maray atu faxxaamak amot tu hee waahiyya. Ken biyaakisseh immay tuh maballon; digaala keenil oobisseh immay kas akak magennon. Yab yaabbeeh dambik yaduure mara hinnon; afqado keenik xeet tekke.

Ermiyaas 6:15

A umam-yabuliy edde yaniinihiyyak xagar keenik dagoh gide kinni way mawacarriya. Wacarriy kinnim mayaaxigan. Tonna leemik oson kaadu gersi marak kaxxih bayelon. Ahak wadir keenit abu waa digaalah finqitelon. Tahat yabtam yoo YALLA» 'yaanam yok iyye.

Ermiyaas 8:12

Yi mari abeh yan umâ-yabulih wacarriya mara hinnon. Dirigga akah m'iyyan. Wacarriy kinnim yaaxige mara hinnon. Tohih sabbatah qeebil gersi marat tekkem keenit akkele. Keenit abu waa digaalak maraaqan. Tahat yabtam yoo YALLA› 'yaanam keenik inxic» yok iyye.

Yacedkel 3:11

Ku baaxoh maray seewah beenihiyya fan gexay; kok aabbe kee wee yakkeeni'mmay, yoo YALLAY Mulki le keenik axceh anim keenih waris» yok iyye.

Yacedkel 3:27

Sarrak akah sugte'nnah af geytu wayta waqdi, yoo YALLAY Mulki lehiyya ko'lih yaabeyyooh, anu kok inxicca axcem keenik axcetto. Marak garab yab kok aabbeleeh; marak garab yab yaabbe mara hinnaay, ken lih yabta yab kanah kok mahaysitan» yok iyye.

Yacedkel 3:4

Sarrak yok iyyeemih, «Bani-adantow, taway gexay; anu kok inxicci axcem Israayil marah waris.

Yacedkel 3:7

Takkay immay Israayil mari koo hinna'mmay, yi yab yaabbe mara hinnon. Moyyat yab keenik maradaay, afqado gibdi mara kinnoonu'mmay,

Qaamus 7:15

Takkay immay illi elle duwak suge ikkek YALLI isih yoh secca 'yeh, ‹Gexay ama table sirri Israayil ummatah waris› yok iyye.

Zakariyya 7:12

Afqado keenik gibdah, xaa tekke. Oson anu ruube nabuwway yi Roocaaniyya cato leeh, yi xinto barissahiyyah yab cineeniih; tohih sabbatah ken inqibeh suge.