Yacedkel 18:8 - NABUWWA KEE MALIKWA

⁸ Abuuduh kaak been lakqo kaah gacsan waqdi ossotina edde mafaxa. Baatilit maasa. Yoome mara qadaalatal mekla.

Yacedkel 18:8 ပူးပေါင်းရင်းမြစ်များ

2 Samuwel 22:24

Qellatak tu mayyum, usuk yok yaaxigeh. Qellatak waasimaah; tohum yok yaaxigeh.

Nacmiya 5:15

Yok duma sugte abbobti ummattal kaxxa quuka hayteh teneeh; maaqo kee qinab kamri keenik beenih, wohuk amol fula ummattak ayrol morootom garsi beyak sugen. Keenik gubal taamita mari kinni way ummatat umuk sugen. Anu Yallih meysi luk eneeh, ken innah yan numuk mananniyo.

Yasaqya 1:17

Meqem abtaanam barita. Qadlih tanim aba. Sahda maskintut xukkutte kala. Qayxiixah cakki qayxiixah ixiga. Gubuunuh cato tika» siinik iyya iyye.

Yasaqya 33:15

Cakkit taamitaah nummat yaabaah, bukko kee rado niqbaah, guqul bee waah, sinam qidim kee umaaneh abittol malisa marat angale waah, umam abittot yan marat angale waa num fayya le arac geya. Reebuh, num aleele waa boolot gacele. Yakme maaqo kee yaaqube lee mawaa.

Ermiyaas 15:10

Ermiyaas iyyemii, «Woyyow yi nabsow! Yi-ina yoo akah xaltem maca? A baaxol yan mari inkih wiilih yoh yan. Abuuduh tu akak bee num mayyuuy tu akah ecee num mayyu'mmay, tohuh kulli num yi abaarot yan.

Yacedkel 11:12

Too waqdi anu YALLA kinniyooh; isin kaadu cuggaaneh siinik yan marih xinto kee abto katayak yi amri cinteenih, anu siinih hee xinto cabba hayteenim aaxigetton› keenik inxic» yok iyye.

Yacedkel 18:13

abuuduh yecee lakqo gacsan waqdi ossotina edde faxek, ta num maay waarelee? Mawaara. Ta axxul le uma taamat aseemih sabbatah rabele. Too rabi usuk isih isil baahe raba deqsita.

Yacedkel 18:17

baatilit ase weeh, abuuduh kaak been lakqo gacsan way ossotina elle faxe weeh, yi xintol tanim abeeh, yi amri duudusek, kay abba abe dambih usuk marabaay waarele.

Yacedkel 22:12

Ku addal yan marak garab, lakqo akah ucuyya haan waqdi, qida iyyen mara qida. Marak garab abuuduh yeceeh yan lakqot gacsal ossotina faxa. Isinni cuggaaneh lakqo dulmih beyan. Ku mari yoo hawweeneh yan. Tahat yabtam, yoo YALLAY Mulki lehiyya› teetik inxic.

Zakariyya 8:16

Tonna'mmay isin abeh meqeemiy siinil tanihiyya siinih warisu waa. Numma titta lih yaaba. Cokmi aracal amaanah sitta xiinissaana'gidih qadaalatat uckuma.

Zakariyya 8:19

«Sanatak fereyhaytooy, konoyhaytooy, malcinhayto kee tabanhaytoh alsat abtan soom, Yuudâ marah farcat kee rufto le ayroora akkeleeh; tassa axcuk qiid abetton. Tonna'mmay isin numma kee wagari kicna mara takkeenimi» iyye.