Yacedkel 17:22 - NABUWWA KEE MALIKWA

²² YALLAY Mulki lehiyya iyyaamah, «Anu innih woo xexxaarin sariidik amok ruqa irgiqqa heeh beeyyooh; amo xer qalel daabiseyyo.

Yacedkel 17:22 ပူးပေါင်းရင်းမြစ်များ

Yasaqya 4:2

YALLIH Luddi nabna kee qax-maqaane edde baahu waa wakti amaatele. Too wakti Israayil ummattay baaxô-bagul raqtehiyya, woo baaxol taabuku waytam yabloonu waan waqdi, ruffu axceloonuuh; nabna edde geelon.

Yasaqya 53:2

Kafin-baaxoy laqaymumtal toobokeh ten caxah gide akah yenem, YALLIH garil. Xagarat kaak yablen nabnay, kaa tablem kaa elle taaxige, kay xagarat matambulla. Too misliino luk mananna. Kaa elle nassakaxxe hayba kay xagarat maballino.

Yacedkel 20:40

Yi qaley taahirik tanih amol, Israayil maraw, yoo aqbudetton. Fayya le Israayil qaleh amol, Israayil mari inkih yoo aqbudelon. Too saaku sin assakooteyyooh, sadgat kee muxxo le mattaco kee taahirik tan acway gabat bahtoonu waytaanahiyya siinik oggoleyyo.

Yacedkel 34:29

Qidinnaan daro elle taabuke baaxo keenih aceeyyooh; ahaysa maqululan. Irô baaxoh mari anqaasah af keenil maraqeeqisa.

Yacedkel 37:22

Israayil baaxoh qaleelal inki doolat ken abeyyo. Ken titta lih xiinisa malik aallelon. Ahak wadir namma doolat mayakkan. Ken doolat namma'kkel makurrunta.

Yacedkel 40:2

Yalli isi wacyih Israayil rasu fan yoo beeh, Yarusalaam magaalal tan kaxxa qaleh amol yoo hee. Too qalek gabbi-qaxat magaalah innal xissinte qarwa uble.

Daaniyel 2:35

Woo waqdi woo birta kee kallaay, nacaasaay lakqo kee dahab inkih, inki-adda caffa tekkeeh, caacay woo caffak raat cabe'kal inkih beeh. Takkay immay woo kaxxa xaa, baaxo inkih dudda qale yekke.

Miika 4:1

Tamaatu wayta ayroorah addat YALLIH Qibaadah Qari elle yan qale kulli'kkek fayyah giffa axcele. Kulli qalek fayyah giffa luk raaqele. Kulli koomak fayyah giffa luk raaqele. Mango baaxol yan mari tet fanah amaatele.

Zakariyya 3:8

Kaxxa sek kinnitok, ko'lih yaaba yab ankacca hay. Isin kaadu kaa'lih tan seekay ankacisa. Sarra takku wayta maqaaneh asta kinniton. Anu faxa taamah taamitu waa numuy migaaqah Dawud Luddal muggaaqisaanahiyya ruubeyyo.